Josua 11:1-23
11 Kenca begi Jabin raja Hasor kerna si e, kirimna pesan man Jobap raja Madon,+ man raja Simron, raja Aksap,+
2 raja-raja si lit i daerah pegunungen sebelah utara, raja-raja i lembah* sebelah selatan Kineret, raja-raja i Sepela ras si lit i daerah lereng* Dor+ i sebelah barat,
3 man kalak Kanaan+ si lit i sebelah timur ras sebelah barat, kalak Amori,+ kalak Het, kalak Peris, kalak Jebusi si lit i daerah pegunungen, bage pe man kalak Hewi+ si lit i teruh Gunung Hermon+ i taneh Mispa.
4 Emaka berkat kalak e ras kerina pasukenna si buena bali bagi kersik i tepi laut, janah melala kel kuda-kudana ras gereta perangna.
5 Ersada arih kerina raja e gelah jumpa bas sada ingan. Emaka jumpa kalak e janah erkemah i Mata Lau Merom guna nyerang kalak Israel.
6 Kenca si e nina Jahwe man Josua, “Ula kena mbiar man kalak e.+ Pagi kira-kira bas waktu si bagenda, Kubereken kerina kalak e man kalak Israel gelah ibunuh. Arus potong kena urat nahe kuda-kudana+ janah arus tutung kena gereta perangna.”
7 Kenca si e, rempet kalak e iserang Josua ras kerina prajuritna i Mata Lau Merom.
8 Bereken Jahwe kalak e ku tan kalak Israel,+ janah taluken kalak Israel kalak e jenari ayakina seh ku Sidon si Mbelin,+ ku Misrepot-maim,+ ras ku Lembah Mispa si lit i sebelah timur, bunuhna kalak e seh asa lanai lit si tading.+
9 Kenca si e lakoken Josua bagi si kataken Jahwe man bana. Potongna urat nahe kuda-kuda kalak e janah tutungna gereta perang kalak e.+
10 Kenca si e lawes Josua janah rebutna kota Hasor, jenari bunuhna rajana alu pedang,+ sebap sebelumna kota Hasor me kota si utama bas kerina kerajan e.
11 Serang kalak e kerina si lit bas kota e alu pedang,+ la lit sekalak pe pediatna nggeluh.+ Kenca si e tutungna kota Hasor.
12 Rebut Josua kerina kota raja-raja e janah talukenna raja-raja e alu pedang.+ Kernepkenna kalak e+ bagi si perentahken Musa pelayan Jahwe.
13 Tapi la tutung kalak Israel kota-kota si lit i datas bukit selain Hasor. Hasor ngenca si tutung Josua.
14 Kerina erta si lit i kota-kota e bage pe asuh-asuhenna ijarah kalak Israel.+ Tapi kerina manusia bunuh kalak e alu pedang,+ sada pe la pediatna nggeluh.+
15 Lakoken Josua kerina si perentahken Musa man bana,+ bagi si perentahken Jahwe man Musa pelayanNa. La lit perentah Jahwe man Musa si la lakoken Josua.+
16 Taluken Josua kerina negri e, eme daerah pegunungen Juda, kerina daerah Negep,*+ kerina daerah Gosen, Sepela,+ Araba,+ ras daerah pegunungen Israel bage pe bukit-bukitna,
17 arah Gunung Halak si pengalana ku Seir seh ku Baalgat+ i Lembah Libanon si lit i teruh Gunung Hermon.+ Tangkapna kerina raja e janah bunuhna.
18 Ndekah Josua erperang ngelawan raja-raja e.
19 La lit sada kota pe si erdame ras kalak Israel selain kalak Hewi si tading i Gibeon.+ Kerina kota e taluken kalak e bas peperangen.+
20 Pediat Jahwe kalak e keras kepala,+ emaka erperang kalak e ngelawan kalak Israel. Alu bage kalak e ikernepken janah la ndatken perkuah ate.+ Kalak e ikernepken bagi si perentahken Jahwe man Musa.+
21 Sanga si e, kernepken Josua kalak Enak+ mulai arah daerah pegunungen, arah Hebron, Debir, Anap, kerina daerah pegunungen Juda, ras kerina daerah pegunungen Israel. Kernepken Josua kalak e bage pe kota-kotana.+
22 Lanai lit kalak Enak si tading i daerah kalak Israel, tapi bas Gasa,+ Gat,+ ras Asdot+ lit denga.+
23 Kuasai Josua kerina negri e bagi si janjiken Jahwe man Musa.+ Jenari, bereken Josua kerina negri e jadi warisen man kalak Israel guna ibagi-bagiken menurut suku kalak e.+ Kenca si e, lanai lit perang bas negri e.+
