Josua 12:1-24
12 Enggo rebut kalak Israel daerah i sebelah timur Lau Jordan, mulai Lembah* Arnon nari+ seh ku Gunung Hermon+ bage pe kerina daerah Araba si pengalana ku timur.+ Raja-raja si italuken kalak e eme:
2 Sihon+ raja kalak Amori si tading i Hesbon. Ia merentah i Aroer+ si lit i pinggir Lembah* Arnon.+ Daerah si ikuasaina mulai tengah-tengah Lembah Arnon nari seh ku Lembah* Jabok eme perbatasen daerah kalak Ammon, bage pe setengah daerah Gileat.
3 Ia pe merentah i Araba seh ku Laut Kineret*+ si pengalana ku timur, seh ka ku Laut Araba eme Laut Mati* jenari ku sebelah timur ku arah Bet Jesimot seh ku sebelah selatan i teruh lereng Pisga.+
4 Taluken kalak e ka Og+ raja Basan eme salah sada kalak Repaim+ si nggeluh denga, si tading i Astera ras Edrei.
5 Ia si merentah i Gunung Hermon, i Saleka, ras kerina daerah Basan,+ seh ku perbatasen kalak Gesur ras kalak Maakat,+ bage pe setengah daerah Gileat, seh ku daerah Hesbon si iperentah Raja Sihon.+
6 Si naluken kalak e eme Musa pelayan Jahwe ras kalak Israel.+ Kenca si e, Musa pelayan Jahwe mereken negri e jadi warisen man suku Ruben, suku Gat, ras man setengah suku Manase.+
7 Josua ras kalak Israel enggo naluken raja-raja si lit i sebelah barat Lau Jordan, mulai arah Baalgat+ i Lembah Libanon+ seh ku Gunung Halak+ si pengalana ku Seir.+ Kenca si e bereken Josua negri e man suku-suku Israel jadi warisen menurut bagin kalak e,+
8 eme i daerah pegunungen, i Sepela, i Araba, i daerah lereng* gunung, i taneh mesawang,* ras i Negep.*+ Si e kerina taneh kalak Het, kalak Amori,+ kalak Kanaan, kalak Peris, kalak Hewi, ras kalak Jebusi.+ Enda me raja-raja kalak e:
9 Raja Jeriho,+ raja Ai+ si tading i sebelah Betel,
10 raja Jerusalem, raja Hebron,+
11 raja Jarmut, raja Lakis,
12 raja Eglon, raja Geser,+
13 raja Debir,+ raja Geder,
14 raja Horma, raja Arat,
15 raja Lipna,+ raja Adulam,
16 raja Makeda,+ raja Betel,+
17 raja Tapua, raja Heper,
18 raja Apek, raja Lasaron,
19 raja Madon, raja Hasor,+
20 raja Simron Meron, raja Aksap,
21 raja Taanak, raja Megido,
22 raja Kedes, raja Jokneam+ i Karmel,
23 raja Dor i daerah lereng Dor,+ raja Goyim i Gilgal,
24 ras raja Tirsa. Raja-raja e lit 31 kalak.
Cataten i teruh
^ Maksudna, Danau Genesaret ntah Laut Galilea.
^ Ntah “Laut Garam.”
^ Ntah “reben-reben.”
^ Taneh si mbelang si jarang iingani.
^ Ntah “Selatan.”
