Josua 15:1-63
15 Taneh si ibagiken*+ man suku Juda menurut keluarga-keluarga kalak e eme daerah perbatasen Edom,+ Taneh Mesawang* Sin seh ku ujung selatan Negep.
2 Batas daerah kalak e si arah selatan mulai ujung Laut Mati,*+ eme arah tepi laut si pengalana ku selatan.
3 Batas e seh ku selatan ku dalan nangkeng Akrabim,+ terus ku Sin. Kenca si e arah selatan nari nangkeng ku Kades-Barnea,+ ku Hesron, ku Adar, janah belok ku Karka.
4 Kenca si e terus ku Asmon+ seh ku Lembah* Mesir,+ janah ujung batas daerah kalak e Laut Tengah.* Enda ndai me batas daerah kalak e si arah selatan.
5 Batas daerah kalak e si arah timur eme Laut Mati* seh ku ujung Lau Jordan, janah batas kalak e si arah ujung utara eme tepi laut e, si lit i ujung Lau Jordan.+
6 Batas e nangkeng ku Bet-Hogela+ janah ngelewati bagin utara Bet-Araba,+ jenari nangkeng ku Batu Bohan.+ (Bohan e keturunen Ruben.)
7 Batas e nangkeng ku Debir i Lembah Akhor+ janah belok ku utara ku Gilgal,+ si lit i lebe-lebe dalan nangkeng Adumim eme sebelah selatan lembah,* jenari batas e ngelewati Mata Lau Ensemes+ janah ujungna i Enrogel.+
8 Batas e nangkeng ku Lembah Anak Hinnom+ ku daerah lereng* kalak Jebusi+ sebelah selatan eme Jerusalem,+ jenari nangkeng ku puncak gunung si pengalana ku Lembah Hinnom ku sebelah barat, si lit i ujung utara Lembah Repaim.
9 Arah puncak gunung e nari, batas e terus ku Mata Lau Neptoa+ jenari terus ku kota-kota i Gunung Epron. Kenca si e batas e terus ku Baala eme Kiryat Jearim.+
10 Baala nari, batas e belok ku barat Gunung Seir ku lereng Gunung Jearim i utara eme Kesalon, jenari nusur ku Bet-Semes+ janah terus ku Timnah.+
11 Batas e terus ku lereng Ekron+ ku utara, ku Sikeron, ku Gunung Baala, ku Jamnia, janah ujungna i laut.
12 Batas si arah barat eme Laut Tengah*+ ras pantaina. Enda ndai me batas-batas i sekeliling daerah keturunen Juda menurut keluarga-keluarga kalak e.
13 Bagi si perentahken Jahwe man Josua, berekenna bagin Kalep+ anak Jepune i daerah keturunen Juda eme Kiryat Arba maksudna Hebron (Arba eme bapak Enak).+
14 Emaka pelawes Kalep telu anak Enak arah je nari,+ eme Sesai, Ahiman, ras Talmai.+ Kalak e keturunen Enak.
15 Kenca si e lawes ia nyerang penduduk Debir.+ (Mbarenda Debir igelari Kiryat Seper.)
16 Jenari nina Kalep, “Ise pe si berhasil nyerang Kiryat Seper ras ngerebutsa, kubereken pagi anakku Aksah jadi diberuna.”
17 Si ngerebutsa eme Otniel+ anak Kenas.+ Kenas e adek Kalep. Emaka berena Aksah+ jadi diberuna.
18 Sanga lawes Aksah ku rumah dilakina, lalap suruhna dilakina e mindo juma man bapakna.* Kenca si e nusur Aksah arah keledena nari.* Jenari nungkun Kalep man bana, “Kai atendu, Nakku?”+
19 Nina Aksah, “Adi tuhu kin pasu-pasundu aku, bereken min hadiah man bangku. Enggo berekenndu sada lambar taneh i selatan,* bereken ka min man bangku Gulot-maim.”* Emaka bereken Kalep man bana Gulot Datas ras Gulot Teruh.
20 Enda me warisen man suku Juda menurut keluarga kalak e.
21 Kota-kota si lit i ujung daerah suku Juda ku arah perbatasen Edom+ i sebelah selatan, eme: Kabseel, Eder, Jagur,
22 Kina, Dimona, Adada,
23 Kedes, Hasor, Itnan,
24 Sip, Telem, Bealot,
25 Hasor Hadata, Keriot Hesron ntah pe Hasor,
26 Amam, Sema, Molada,+
27 Hasar Gadda, Hesmon, Betpelet,+
28 Hasar Sual, Berseba,+ Bisiotia,
29 Baala, Iim, Esem,
30 Eltolat, Kesil, Horma,+
31 Siklak,+ Matmanna, Sansanna,
32 Lebaot, Silhim, Ain, ras Rimon.+ Kerina lit 29 kota ras kuta-kutana.
33 Kota-kota i Sepela,+ eme: Estaol, Sora,+ Asna,
34 Sanoah, En-Ganim, Tapua, Enam,
35 Jarmut, Adulam,+ Soko, Aseka,+
36 Saaraim,+ Aditaim, Gedera, ras Gederotaim.* Kerina lit 14 kota ras kuta-kutana.
37 Senan, Hadasa, Migdalgat,
38 Dilean, Mispa, Jokteel,
39 Lakis,+ Boskat, Eglon,
40 Kabbon, Lahmam, Kitlis,
41 Gederot, Bet-Dagon, Naama, ras Makeda.+ Kerina lit 16 kota ras kuta-kutana.
42 Lipna,+ Eter, Asan,+
43 Ipta, Asna, Nesip,
44 Keila, Aksip, ras Maresa. Kerina lit siwah kota ras kuta-kutana.
45 Ekron ras kota-kota si lit i sekelilingna bage pe kuta-kutana,
46 termasuk si sebelah barat Ekron, kerina kota si lit i deher Asdot bage pe kuta-kutana.
47 Asdot,+ kota-kota i sekelilingna ras kuta-kutana. Gasa,+ kota-kota i sekelilingna ras kuta-kutana, jenari nusur ku Lembah* Mesir, Laut Tengah,* ras tepi lautna.+
48 Ras i daerah pegunungen: Samir, Jattir,+ Soko,
49 Danna, Kiryat-sannah ntah pe Debir,
50 Anap, Estemo,+ Anim,
51 Gosen,+ Holon, ras Gilo.+ Kerina lit 11 kota ras kuta-kutana.
52 Arab, Duma, Esan,
53 Janin, Bet Tapua, Apeka,
54 Humtah, Kiryat Arba ntah pe Hebron,+ ras Sior. Kerina lit siwah kota ras kuta-kutana.
55 Maon,+ Karmel, Sip,+ Jutta,
56 Jesreel, Jokdeam, Sanoah,
57 Kain, Gibea, ras Timnah.+ Kerina lit sepuluh kota ras kuta-kutana.
58 Halhul, Betsur, Gedor,
59 Maarat, Bet-Anot, ras Eltekon. Kerina lit enem kota ras kuta-kutana.
60 Kiryat Baal ntah pe Kiryat Jearim+ ras Raba. Kerina lit dua kota ras kuta-kutana.
61 Bas taneh mesawang,* eme: Bet-Araba,+ Middin, Sekaka,
62 Nibsan, Kota Sira, ras En-gedi.+ Kerina lit enem kota ras kuta-kutana.
63 Tapi kalak Juda la ngasup mpelawes+ kalak Jebusi+ si tading i Jerusalem.+ Emaka tading kalak Jebusi ras kalak Juda i Jerusalem seh asa gundari.
Cataten i teruh
^ Ntah “si ibereken alu cara iundi.”
^ Taneh si mbelang si jarang iingani.
^ Ntah “Laut Garam.”
^ Maksudna, Laut Besar.
^ Ntah “Laut Garam.”
^ Ntah “reben-reben.”
^ Maksudna, Laut Besar.
^ Ntah banci saja “Kenca si e ertepuk Aksah sanga i datas kelede.”
^ Maksudna, Kalep.
^ Ntah “Negep.”
^ Ertina “Taneh si Melala Launa.”
^ Ntah banci saja “Gedera ras kandang biri-birina.”
^ Maksudna, Laut Besar.
^ Taneh si mbelang si jarang iingani.
