Josua 16:1-10
16 Kenca iundi,+ taneh man keturunen Jusup+ eme Lau Jordan nari i Jeriho seh ku mata lau i sebelah timur Jeriho, kenca si e nangkeng arah Jeriho nari ngelewati taneh mesawang* ku daerah pegunungen Betel.+
2 Arah Betel si lit i deher Lus terus ku perbatasen daerah kalak Arki si lit i Atarot,
3 jenari nusur ku barat ku daerah kalak Japlet seh ku perbatasen Bet Horon Teruh+ ras Geser,+ janah ujung taneh warisen kalak e eme laut.*
4 Enda ndai me taneh si jadi jang suku Manase ras suku Eperaim+ keturunen Jusup.+
5 Batas daerah warisen keturunen Eperaim menurut keluarga kalak e eme: Sebelah timur batasna mulai arah Atarot Adar+ seh ku Bet Horon Datas+
6 janah terus ku laut. Arah Mikmetat+ sebelah utara, batas e belok ku timur ku Taanat Silo ras Janoah.
7 Kenca si e batas e nusur arah Janoah nari seh ku Atarot janah Naara nari seh ku Jeriho+ jenari seh ku Lau Jordan.
8 Arah Tapua,+ batas e terus ku barat ku Lembah* Kana janah ujungna laut.+ Enda ndai me warisen suku Eperaim menurut keluarga kalak e.
9 Piga-piga kota ras kuta-kuta si lit i sekeliling daerah warisen kalak Manase pe jang keturunen Eperaim.+
10 Tapi kalak Kanaan si tading i Geser la ipelawes kalak e,+ emaka kalak Kanaan terus tading ras kalak Eperaim seh asa gundari,+ janah ipaksa erdahin jadi budak.+
