Josua 21:1-45
21 Peminpin-peminpin keluarga bapak arah suku Lewi reh ndahi Imam Eleasar+ bage pe Josua anak Nun ras peminpin-peminpin keluarga bapak arah suku-suku Israel,
2 janah ngerana kalak e i Silo+ i negri Kanaan, nina, “Enggo perentahken Jahwe arah Musa gelah ibereken man kami kota-kota ingan tading bage pe mbalmbalna man asuh-asuhen kami.”+
3 Emaka bagi si perentahken Jahwe, bereken kalak Israel man kalak Lewi kota-kota+ ras mbalmbalna arah taneh warisen kalak e.+
4 Hasil undi si pertama eme man keturunen Kohat.+ Kalak Lewi keturunen Imam Harun ndatken 13 kota arah suku Juda,+ suku Simeon,+ ras suku Benyamin.+
5 Keturunen Kohat si debanna ndatken sepuluh kota* arah keluarga-keluarga suku Eperaim,+ suku Dan, ras setengah suku Manase.+
6 Keturunen Gerson+ ndatken 13 kota arah keluarga-keluarga suku Isakar, suku Aser, suku Naptali, ras setengah suku Manase si lit i Basan.+
7 Keturunen Merari+ menurut keluarga-keluargana ndatken 12 kota arah suku Ruben, suku Gat, ras suku Sebulon.+
8 Bage me kalak Israel mereken kota-kota ras mbalmbalna man kalak Lewi alu iundi, bagi si perentahken Jahwe arah Musa.+
9 Enda me gelar kota-kota si ibereken suku Juda ras suku Simeon.+
10 Kota-kota enda ibereken man kalak Lewi keturunen Harun eme keluarga-keluarga Kohat, perban kalak e si ndatken hasil undi si pertama.
11 Ibereken man kalak e Kiryat Arba+ eme Hebron+ (Arba e bapak Enak), si lit i daerah pegunungen Juda bage pe mbalmbal i sekelilingna.
12 Tapi taneh si lit i sekeliling kota e bage pe kuta-kutana ibereken kalak e jadi jang Kalep anak Jepune.+
13 Man keturunen Imam Harun, ibereken kalak e Hebron+ ras mbalmbalna (Hebron e kota perlindungen man kalak si munuh)+ bage pe Lipna+ ras mbalmbalna,
14 Jattir+ ras mbalmbalna, Estemoa+ ras mbalmbalna,
15 Holon+ ras mbalmbalna, Debir+ ras mbalmbalna,
16 Ain+ ras mbalmbalna, Jutta+ ras mbalmbalna, bage pe Bet-Semes ras mbalmbalna. Kerina lit siwah kota arah dua suku.
17 Arah suku Benyamin: Gibeon+ ras mbalmbalna, Geba ras mbalmbalna,+
18 Anatot+ ras mbalmbalna, bage pe Almon ras mbalmbalna. Kerina lit empat kota.
19 Kerina kota si ibereken man imam-imam keturunen Harun lit 13 kota ras mbalmbalna.+
20 Kalak Lewi si debanna arah keluarga-keluarga Kohat ndatken kota-kota alu cara iundi arah suku Eperaim.
21 Aloken kalak e Sikem+ eme kota perlindungen man kalak si munuh+ ras mbalmbalna si lit i daerah pegunungen i Eperaim bage pe Geser+ ras mbalmbalna,
22 Kibsaim ras mbalmbalna, bage pe Bet Horon+ ras mbalmbalna. Kerina lit empat kota.
23 Arah suku Dan: Elteke ras mbalmbalna, Gibeton ras mbalmbalna,
24 Ayalon+ ras mbalmbalna, bage pe Gatrimon ras mbalmbalna. Kerina lit empat kota.
25 Arah setengah suku Manase: Taanak+ ras mbalmbalna bage pe Gatrimon ras mbalmbalna. Kerina lit dua kota.
26 Kerina kota ras mbalmbalna si aloken keluarga keturunen Kohat si debanna lit sepuluh kota.
27 Kalak Lewi keturunen Gerson+ ngaloken kota-kota arah setengah suku Manase. Kota-kota e eme Golan+ i Basan ras mbalmbalna (Golan e kota perlindungen man kalak si munuh) bage pe Bestera ras mbalmbalna. Kerina lit dua kota.
28 Arah suku Isakar:+ Kision ras mbalmbalna, Daberat+ ras mbalmbalna,
29 Jarmut ras mbalmbalna, janah En-Ganim ras mbalmbalna. Kerina lit empat kota.
30 Arah suku Aser:+ Misal ras mbalmbalna, Abdon ras mbalmbalna,
31 Helkat+ ras mbalmbalna, bage pe Rehop+ ras mbalmbalna. Kerina lit empat kota.
32 Arah suku Naptali: Kedes+ si lit i Galilea ras mbalmbalna (Kedes e kota perlindungen man kalak si munuh),+ Hamot Dor ras mbalmbalna, bage pe Kartan ras mbalmbalna. Kerina lit telu kota.
33 Kerina kota keturunen Gerson menurut keluargana lit 13 kota ras mbalmbalna.
34 Keluarga Merari+ eme kalak Lewi si debanna ngaloken kota-kota arah suku Sebulon+ eme Jokneam+ ras mbalmbalna, Karta ras mbalmbalna,
35 Dimna ras mbalmbalna, bage pe Nahalal+ ras mbalmbalna. Kerina lit empat kota.
36 Arah suku Ruben: Beser+ ras mbalmbalna, Jahas ras mbalmbalna,+
37 Kedemot ras mbalmbalna, bage pe Mepaat ras mbalmbalna. Kerina lit empat kota.
38 Arah suku Gat:+ Ramot i Gileat+ ras mbalmbalna (Ramot e kota perlindungen man kalak si munuh), Mahanaim+ ras mbalmbalna,
39 Hesbon+ ras mbalmbalna, bage pe Jaser+ ras mbalmbalna. Kerina lit empat kota.
40 Lit 12 kota si aloken keluarga Merari eme kalak Lewi si debanna.
41 Kota-kota kalak Lewi si lit i daerah kalak Israel lit 48 kota ras mbalmbalna.+
42 Kerina kota lit mbalmbalna janah tiap kota bage.
43 Emaka bereken Jahwe man kalak Israel kerina negri si enggo janjikenNa alu sumpah man nini bulang kalak e.+ Buat kalak e negri e janah tading kalak e i je.+
44 Selain si e, ban Jahwe kalak e nggeluh alu dame bagi si enggo janjikenNa man nini bulang kalak e.+ La lit sada pe musuh si ngasup ngelawan kalak e.+ Kerina musuh kalak e bereken Jahwe ku tan kalak e.+
45 La lit sada pe janji* Jahwe man kalak Israel si la terjadi, kerinana terjadi.+
