Juna 2:1-10
2 Bas beltek ikan e nari, ertoto Juna man Jahwe Dibatana,+
2 nina,
“O Jahwe, bas kiniseranku erlebuh aku man baNdu, janah jawapNdu aku.+
Arah Kuburen* si mbages* enda, nderkuh aku mindo penampat.+
BegikenNdu soraku.
3 Sanga benterkenNdu aku ku tengah laut si mbelang,Lit lau i sekelilingku.+
Gelombang si galang ngentam aku.+
4 Ningku, ‘Enggo pelawesNdu aku arah lebe-lebeNdu nari!
Banci denga kin kuidah rumah pertotonNdu si badia?’
5 Tamburi lau aku janah menam aku mate.+
Gedap aku bas laut si mbages.
Rumput laut ngelilit takalku.
6 Gedap aku ku dasar laut.*
Gerbang-gerbang kuburen* tertutup man bangku seh rasa lalap.
Tapi o Jahwe Dibataku, pedaratNdu aku nggeluh-nggeluh.*+
7 Sanga nandangi keri atena kesahku, Jahwe me si kuinget.+
Jenari seh totoku man baNdu, ku rumah pertotonNdu si badia.+
8 Kalak si nembah berhala-berhala si la erguna nadingken Kam, sumber kekelengen si setia.*
9 Tapi aku, kubereken pagi korban man baNdu alu pengatan bujur.
Kutepati pagi kai si enggo kujanjiken.+
O Jahwe, arah Kam ngenca rehna keselamaten.”+
10 Dungna, perentahken Jahwe gelah utahken ikan e Juna ku daraten.
Cataten i teruh
^ As. “Arah beltek Kuburen.”
^ As. “nggeluh-nggeluh arah lubang nari.”
^ As. “doni.”
^ As. “dasar gunung-gunung.”
^ Ntah banci saja “nadingken kesetian kalak e.”
