Juna 3:1-10
3 Kenca si e ngerana Jahwe pedua kaliken man Juna, nina,+
2 “To, laweslah ku Niniwe+ kota si mbelin e, umumkenlah man kalak e berita si enggo Kupeseh man bandu.”
3 Emaka ikutken Juna kata Jahwe,+ lawes ia ku Niniwe.+ Kota Niniwe e kota si seh kel belinna.* Telu wari dekahna engkelilingisa adi erdalan.
4 Kenca si e masuk Juna ku kota, erdalan ia sada wari dekahna janahna ngumumken, “Empat puluh wari nari ihancurken me Niniwe.”
5 Dungna tek kalak Niniwe man Dibata.+ Umumken kalak e puasa janah pake kalak e kain guni, mulai si kitik seh ku si galang.
6 Kenca seh berita e ku raja Niniwe, tedis ia arah tahtana nari, tangtangina jubah kerajanna jenari pakena kain guni janah kundul ia bas abu.
7 Selain si e, perentahkenna ka gelah berita e iumumken i belang-belang Niniwe,“Enda me keputusen raja ras bangsawan-bangsawanna: Ise pe la banci man. Manusia ntah binatang si apai pe termasuk lembu, kambing, ntah biri-biri, la banci panna kai pe janah la banci minem.
8 Kerina kalak bage pe binatang arus make kain guni. Arus tutus kel ate kalak e erlebuh man Dibata, janah arus tadingken kalak e perbahanen kalak e si jahat bage pe kekerasen si lakoken kalak e.
9 Mbera-mbera berubah pikiren* Dibata si benar janah lanai Ia merawa man banta, alu bage la kita ikernepken.”
10 Sanga idah Dibata si benar kai si lakoken kalak e, uga kalak e nadingken perbahanenna si jahat,+ berubah pikiren* Dibata kerna bencana si enggo katakenNa janah la surung banNa bencana e reh man kalak e.+
