Juna 4:1-11
4 Tapi si e erban nembeh kel ate Juna janah merawa kel ia.
2 Emaka ertoto ia man Jahwe, “O Jahwe, enda me kebiarenku sanga aku i negriku. Kuteh Kam Dibata si perkuah ras mehuli, la nukah merawa ras dem alu kekelengen si setia,+ janah la meriah kapNdu erban bencana. E me sebapna kiam sange aku ku Tarsis.+
3 Gundari o Jahwe, buat saja kesahku, pangen aku mate asangken nggeluh.”+
4 Nungkun Jahwe, “Cocok kin kapndu kam merawa?”
5 Kenca si e, ndarat Juna arah kota e nari janah kundul ia i sebelah timur kota e. Banna sapo-sapo, jenari kundul ia janahna cilinggem i je guna ngenen kai kari si terjadi man kota e.+
6 Ban Jahwe turah sada sinuan-sinuan si njoler* i datas Juna, guna ngelinggemi takalna, gelah senang akapna i je. Meriah kel akap Juna ngidah sinuan-sinuan si njoler e.
7 Tapi paginna, bas pagi-pagi si lampas, ban Dibata si benar reh sada ulat, cedai ulat e sinuan-sinuan si njoler e, dungna melus.
8 Sanga nangkih matawari, ban Dibata reh angin timur si seh kel lasna, parpari matawari takal Juna menam pingsan atena. Terus pindona gelah mate saja ia, janah terus katakenna, “Pangen aku mate asangken nggeluh.”+
9 Nungkun Dibata man Juna, “Cocok kin kapndu kam merawa perban sinuan-sinuan si njoler e?”+
Megi si e nina Juna njawapsa, “Merawa kel ateku, mate ateku perban rawana.”
10 Tapi nina Jahwe, “Batang sinuan-sinuan si njoler e turah bas sada berngi janah mate bas sada berngi. Labo kam si mpeturahsa bage pe si ngurussa, tapi mekuah atendu man sinuan-sinuan si njoler e.
11 La kin arusna mekuah kang ateKu man Niniwe kota si mbelin e?+ Sebap bas kota e, lit lebih 120.000 kalak si la meteh apai si benar apai si salah,* janah asuh-asuhenna pe seh kel buena.”+
Cataten i teruh
^ Mungkin sinuan-sinuan si mbue bulungna janah lit buahna.
^ Ntah “meteh apai tan kananna apai tan kirina.”
