Kejadin 10:1-32
10 Enda sejarah kerna anak-anak Nuah eme Sem,+ Ham, ras Japet.
Kenca Banjir si Mbelin, lahir anak-anak kalak e si dilaki.+
2 Anak-anak Japet eme Gomer,+ Magog,+ Madai, Jawan, Tubal,+ Mesek,+ ras Tiras.+
3 Anak-anak Gomer eme Askenas,+ Ripat, ras Togarma.+
4 Anak-anak Jawan eme Elisah,+ Tarsis,+ Kitim,+ ras Dodanim.
5 Keturunen kalak e tading bas erbage daerah ras pulau-pulau menurut bahasana, sukuna, ras bangsana.
6 Anak-anak Ham eme Kus, Misraim,+ Put,+ ras Kanaan.+
7 Anak-anak Kus eme Seba,+ Hawila, Sabta, Raama,+ ras Sabteka.
Anak-anak Raama eme Seba ras Dedan.
8 Kus eme bapak Namrut. Namrut e me kalak si pertama si megegehna i doni.
9 Ia jadi perburu si megegeh si nentang Jahwe. E me sebapna lit kuan-kuan si ngataken, “Bali bagi Namrut, perburu si megegeh si nentang Jahwe.”
10 Kota-kota si pertama bas kerajanna eme Babil,+ Ereh,+ Akat, ras Kalne si lit i daerah Sinar.*+
11 Arah daerah e nari lawes ia ku Assur+ janah bangunna Niniwe,+ Rehobot-Ir, Kalah,
12 bage pe Resen si lit i antara Niniwe ras Kalah: Kota-kota e jadi sada kota si galang kel.*
13 Misraim eme bapak Lud,+ Anam, Lehap, Naptu,+
14 Patrus,+ Kaslu (nini bulang kalak Pilisti),+ ras Kaptur.+
15 Kanaan eme bapak Sidon+ ras Het.+ Sidon anakna sintua.
16 Kanaan e nini bulang kalak Jebusi,+ kalak Amori,+ kalak Girgasi,
17 kalak Hewi,+ kalak Arki, kalak Sini,
18 kalak Arwad,+ kalak Semari, ras kalak Hamat.+ Kenca si e, merap keluarga-keluarga kalak Kanaan.
19 Batas daerah kalak Kanaan eme arah Sidon nari seh ku Gerar,+ i deher Gasa,+ seh ku Sodom, Gomora,+ Adma, ras Seboim,+ i deher Lasa.
20 Enda ndai me anak-anak Ham menurut sukuna, bahasana, inganna tading, ras bangsana.
21 Sem eme adek Japet, janah Japet e anak sintua. Sem pe lit ka anak-anakna, janah ia nini bulang keturunen Eber.+
22 Anak-anak Sem si dilaki eme Elam,+ Assur,+ Arpaksat,+ Lud, ras Aram.+
23 Anak-anak Aram eme Us, Hul, Geter, ras Mas.
24 Arpaksat eme bapak Selah,+ janah Selah eme bapak Eber.
25 Lit dua anak Eber si dilaki. Sada gelarna Peleh,*+ perban bas jamanna penduduk doni terbagi-bagi, janah seninana gelarna Joktan.+
26 Joktan eme bapak Almodat, Selep, Hasarmawet, Jerah,+
27 Hadoram, Usal, Dikla,
28 Obal, Abimael, Syeba,
29 Opir,+ Hawila, ras Jobap. Si e ndai me kerinana anak-anak Joktan si dilaki.
30 Ingan kalak e tading mulai Mesa nari seh ku Separ, daerah pegunungen i sebelah Timur.
31 Enda ndai me anak-anak Sem menurut sukuna, bahasana, inganna tading, ras bangsana.+
32 Enda ndai kerina keturunen anak-anak Nuah menurut garis keturunen ras bangsa kalak e. Arah keturunen kalak e lit bangsa-bangsa i doni kenca Banjir si Mbelin.+
Cataten i teruh
^ Dungna igelari Babilon.
^ As. “Enda kota si galang kel.” Mungkin maksudna Niniwe ras telu kota si debanna.
^ Ertina “Terbagi-bagi.”
