Kejadin 23:1-20
-
Mate Sara janah ikuburken (1-20)
23 Umur Sara 127 tahun sanga ia mate.+
2 Sara mate i Kiryat Arba+ eme Hebron,+ i negri Kanaan.+ Sedih kel Abraham janah tangisina Sara.
3 Kenca si e tadingkenna mayat diberuna e, janah nina man kalak Het,+
4 “Aku kalak asing si tading ras kena.+ Emaka berendu min kutukur sada ingan bas negrindu enda gelah banci kukuburken diberuku.”
5 Emaka nina kalak Het man Abraham,
6 “Tuan, begiken min kami. Kam kap peminpin* si pilih Dibata.+ Kuburkenlah diberundu bas ingan si mehulina bas ingan kuburen kami. Labo lit si ngelarang kam nguburken diberundu bas ingan e.”
7 Emaka tedis Abraham jenari sujud ia man kalak Het,+ penduduk negri e,
8 nina man kalak e, “Adi setuju kena kukuburken diberuku i jenda, begiken min aku janah pindoken man Epron anak Sohar
9 gelah dayakenna gua Mahpela man bangku, si lit i pinggir jumana. Dayakenna min ingan e man bangku i lebe-lebe kerina kalak. Asa kai pe ergana+ kugalari gelah juma e jadi jangku janah kuban jadi ingan kuburen.”+
10 Epron sangana kundul radu ras kalak Het. Emaka aloi Epron kalak Het e Abraham. Sanga ia ngerana man Abraham, lit kalak Het i je bage pe kerina kalak si masuk arah gerbang kotana.+ Nina Epron,
11 “Ula bage, Tuan! Begikenndu min aku. Kubereken man bandu juma ras gua si lit i je. I lebe-lebe bangsaku, kubereken e man bandu. Kuburkenlah diberundu i je.”
12 Sujud Abraham i lebe-lebe penduduk negri e,
13 nina man Epron, “Begiken min aku, kugalari ateku juma e. Alokenlah pirakku enda, kenca si e maka kukuburken diberuku i je.” Kerina kalak si lit i je megi kai nina Abraham.
14 Nina Epron man Abraham,
15 “Tuanku, begiken min aku. Juma enda ergana 400 sekel* pirak, tapi soal erga labo penting. Kuburkenlah diberundu i je.”
16 Sanga begi Abraham kai si ikataken Epron e, timbang Abraham pirak e, bagi si enggo kataken Epron i lebe-lebe kalak Het, buena 400 sekel* pirak menurut timbangen perbinaga.+
17 Bage me dalanna juma Epron i Mahpela si lit i deher Mamre ras gua bage pe kerina batang kayuna si lit i batas juma e enggo isahken jadi
18 jang Abraham. Tukurna juma e i lebe-lebe kalak Het ras i lebe-lebe kerina kalak si lit i gerbang kota.
19 Kenca si e, ikuburken Abraham diberuna eme Sara bas gua i juma Mahpela i deher Mamre eme Hebron i negri Kanaan.
20 Bage me dalanna juma ras gua si lit i je bereken kalak Het man Abraham jadi jangna guna jadi kuburen.+
Cataten i teruh
^ Ntah banci saja “peminpin si hebat.”
