Kejadin 33:1-20
33 Arah ndauh nari idah Jakup me Esau reh radu ras 400 dilaki.+ Emaka berekenna anak-anakna man Lea, man Rahel, ras man dua budakna si diberu.+
2 Budak-budakna si diberu e ras anak-anakna arah lebe kel tamana,+ pudi kalak e+ tamana Lea ras anak-anakna, si arah pudina kel tamana Rahel+ ras Jusup.
3 Kenca si e leben ia erdalan arah lebe kalak e. Jenari janahna erdalan ndeheri abangna, sujud ia pitu kali.
4 Tapi Esau kiam njumpai Jakup, dakepna janah emana ia. Kenca si e tangis kalak e duana.
5 Sanga idahna diberu-diberu ras anak-anak e, nungkun ia, “Ise kalak enda kerina?” Nina Jakup ngaloi, “Enda anak-anak si ibere Dibata man budakndu enda.”+
6 Emaka reh budak-budak si diberu e ras anak-anakna janah sujud ka kalak e.
7 Kenca si e reh ka Lea ras anak-anakna, jenari sujud kalak e. Dung e reh ka Jusup ras Rahel, janah sujud ka kalak e.+
8 Nina Esau, “Enggo jumpa+ aku ras rombongen-rombongen si kirimndu ndai. Engkai maka bage banndu?” Nina Jakup ngaloisa, “Gelah alo-alondu aku alu mehuli ateku, Tuanku.”+
9 Kenca si e nina Esau, “Enggo melala kel ertaku.+ Emaka babandu saja hadiahndu ndai kerina.”
10 Tapi nina Jakup, “Ula bage, Tuan. Adi meriah kin ukurndu jumpa ras aku, alokenlah hadiah si kubaba e. Ateku gelah banci kuidah ayondu. Sanga kuidah ayondu enggo bali kuakap bagi ngidah ayo Dibata, perban enggo alo-alondu aku alu mehuli.+
11 Alokenlah hadiah si enggo kubere e,+ perban enggo pasu-pasu Dibata aku janah bereNa kerina si kuperluken.”+ Terus desak Jakup ia, dungna aloken Esau hadiah e.
12 Kenca si e nina Esau, “Ota kita lawes jenda nari, janah aku kari erdalan i lebe-lebe kena.”
13 Tapi nina Jakup man Esau, “Idahndu maka anak-anakku kitik denga+ Tuan, lit ka biri-biri ras lembuku si sangana ranak kitik, emaka adi metersa kari asuh-asuhen e erdalan sada warin, banci kari mate.
14 Leben sajalah kam erdalan, Tuanku. Budakndu enda manjar-anjar kari erdalan ngikutken asuh-asuhenku ras anak-anakku, ngasa aku seh kari bas inganndu i Seir.”+
15 Emaka nina Esau, “Adi bage kutadingken dage piga-piga anak buahku ras kam.” Megi si e nina Jakup ngaloisa, “La padah Tuanku, enggo alo-alondu saja pe aku alu mehuli enggom kuakap bias.”
16 Emaka bas wari e mulih Esau ku Seir.
17 Dung e lawes Jakup ku Sukot,+ bangunna rumahna i je. Banna kandang-kandang asuh-asuhenna. E me sebapna banna gelar ingan e Sukot.*
18 Kenca perdalanenna arah Padan-aram*+ nari, seh Jakup i kota Sikem+ i negri Kanaan+ alu selamat, janah banna kemahna i deher kota e.
19 Kenca si e tukur Jakup taneh arah anak-anak Hamor nari. Hamor e bapak Sikem. Erga taneh e 100 logam pirak.+ Jenari banna kemah-kemahna i je.
20 Banna ka sada ingan nutung* persembahen i je janah banna gelar ingan e “Dibata Israel+ kap Dibata.”
