Kejadin 7:1-24
7 Kenca si e, nina Jahwe man Nuah, “Masuklah ku bahtra, kam ras kerina keluargandu. Sebap kam ngenca kalak si benar, la bagi kalak bas jamanndu.+
2 Arus buatndu pitu binatang arah tiap jenis binatang si la ipantangken,*+ jantan ras beruna. Arah tiap binatang si ipantangken, dua saja buatndu, jantan ras beruna.
3 Selain si e, buat ka pitu binatang si kabang i langit,* jantan ras beruna, gelah binatang e banci terus nggeluh i doni.+
4 Sebap pitu wari nari Kupenusur udan+ ku doni, 40 wari 40 berngi dekahna,+ Kumasapken kerina si nggeluh si enggo Kuban i doni.”+
5 Emaka lakoken Nuah kerina si enggo perentahken Jahwe man bana.
6 Umur Nuah 600 tahun sanga terjadi banjir si mbelin i doni.+
7 Sope banjir si mbelin e terjadi,+ Nuah ras diberuna, anak-anakna si dilaki, ras permen-permenna* masuk ku bahtra.
8 Kerina binatang si la ipantangken bage pe kerina binatang si ipantangken ras binatang si kabang bage pe kerina binatang si nggawang i taneh,+
9 masuk ku bahtra, ndahi Nuah. Sepasang-sepasang ia masuk, jantan ras beruna, bagi si perentahken Dibata man Nuah.
10 Pitu wari kenca si e terjadi banjir i doni.
11 Sanga umur Nuah 600 tahun, bas wari si pe-17-ken, bas bulan si peduaken, nusur lau si seh kel buena arah langit nari, pintu-pintu lau si lit bas langit pe talang.+
12 Nusur udan si meder ku doni 40 wari 40 berngi dekahna.
13 Bas wari e masuk Nuah ku bahtra radu ras diberuna, telu anakna eme Sem, Ham, ras Japet,+ bage pe teluna permenna.+
14 Masuk kalak e ras kerina binatang liar menurut jenisna, kerina asuh-asuhen menurut jenisna, kerina binatang si kabang menurut jenisna, kerina perik, ras kerina binatang si erkabeng, bage pe kerina binatang si deban* menurut jenisna.
15 Kerina binatang si nggeluh terus rehen ndahi Nuah ku bas bahtra e, sepasang-sepasang ia masuk.
16 Emaka masuk binatang-binatang e, sepasang-sepasang arah kerina jenis binatang, bagi si perentahken Dibata. Kenca si e tutup Jahwe pintu bahtra e.
17 La erngadi-ngadi nusur udan ku doni 40 wari dekahna. Lau pe terus reh ganjangna janah bahtra e mulai terangkat, dungna bombang i datas lau.
18 Lau e reh ganjangna, tutupi lau me doni, tapi bahtra e bombang i datas lau.
19 Ban ganjangna lau e, gedap kerina gunung-gunung si meganjang si lit i belang-belang doni.+
20 Lau e reh tambahna kira-kira pitu meter* ganjangen asangken gunung-gunung.
21 Emaka mate kerina si nggeluh i doni eme binatang si kabang,+ binatang si man asuhen, binatang liar, binatang si kitik si nggeluh erkelompok, bage pe kerina manusia.+
22 Mate kerina si nggeluh ras si erkesah si lit i datas taneh.+
23 Emaka kernepken Dibata kerina si nggeluh si lit i doni, termasuk manusia, binatang, binatang si kabang i langit, ras binatang si debanna.* Kernep kerina si lit i doni.+ Nuah ras kerina si lit bas bahtra ngenca si selamat.+
24 Lit 150 wari dekahna lau la surut-surut i doni.+
Cataten i teruh
^ Ntah banci saja “pitu pasang arah kerina binatang si la haram.”
^ Ntah banci saja “pitu pasang arah kerina binatang si kabang i langit.”
^ Ntah “diberu anak-anakna.”
