Keluaren 24:1-18
24 Kenca si e nina Jahwe man Musa, “Nangkihlah kam ku gunung radu ras Harun, Nadap, Abihu,+ ras 70 peminpin Israel. Arus kena sujud man bangKu arah dauh-dauh nari.
2 Kam ngenca si banci ndeheri Jahwe, tapi si deban la banci ndeher janah kalak Israel pe la banci ikut nangkih.”+
3 Emaka kataken Musa kerina si kataken Jahwe ras kerina si enggo itetapkenNa man kalak e.+ Kerina kalak Israel ersada arihna ngataken, “Kerina si kataken Jahwe nggit kami ngelakokenca.”+
4 Emaka tulis Musa kerina kata-kata Jahwe e.+ Medak ia pagi-pagi si lampas janah banna ingan nutung* persembahen bas teruh gunung e. Banna ka 12 tugu menurut jumlah suku kalak Israel si buena 12 suku.
5 Kenca si e suruhna piga-piga anak perana arah kalak Israel guna mereken persembahen tutungen. Persembahken kalak e ka piga-piga lembu jantan si jadi korban persadan+ man Jahwe.
6 Dung e setengah arah dareh korban e tamaken Musa ku bas mangkok-mangkok, setengah nari percikkenna ku ingan nutung persembahen.
7 Jenari buat Musa buku perjanjin janah megang bacakenna man kalak e.+ Kenca si e nina kalak e, “Kerina si kataken Jahwe nggit kami ngelakokenca, nggit kami matuhisa.”+
8 Emaka percikken Musa dareh e ku kalak Israel+ janah nina, “Enda me dareh perjanjin si ban Jahwe ras kena menurut kata-kata si begi kena ndai.”+
9 Nangkih Musa, Harun, Nadap, Abihu, ras 70 peminpin kalak Israel ku gunung,
10 emaka idah kalak e Dibata bangsa Israel.+ I teruh naheNa lit teridah bagi lante si iban arah batu sapir, warnana biru bagi langit.+
11 Sanga peminpin-peminpin Israel e man ras minem, dat kalak e pengenehenen* kerna Dibata si benar. Tapi kalak e la kaden pe ban Dibata.+
12 Nina Jahwe man Musa, “Rehlah kam ndahi Aku ku datas gunung janah tetap kam i je. Kubereken pagi bandu dua lembar batu, bas batu e pagi Kutulisken undang-undangKu ras perentahKu si arus ikutken kalak Israel.”+
13 Emaka ersikap Musa ras pelayanna Josua.+ Jenari nangkih Musa ku gunung Dibata si benar.+
14 Tapi nina Musa man peminpin-peminpin e, “Timai kena kami jenda ngasa kami mulih.+ Harun ras Hur+ si nemani kena i jenda. Ise pe si lit masalahna banci jumpaina kalak e.”+
15 Kenca si e, nangkih Musa ku datas gunung si sangana tutupi embun e.+
16 Kemulian Jahwe+ tetap lit i Gunung Sinai,+ janah enem wari dekahna tutupi embun gunung e. Bas wari si pepituken, lebuhNa Musa arah tengah-tengah embun e nari.
17 Man kalak Israel si sangana natap-natap, kemulian Jahwe teridah bagi api si gara i puncak gunung e.
18 Kenca si e terusken Musa nangkih ku gunung e seh asa ia masuk ku embun e.+ I je Musa tading 40 wari 40 berngi dekahna.+
Cataten i teruh
^ Eme kerna kai pe si cidahken Dibata ku bas pikiren sekalak jelma.
