Keluaren 26:1-37
26 “Banlah kemah ingan ersembah arah sepuluh kain kemah nari.+ Kain kemah e iban arah linen halus si ipintal, benang biru, benang wol ungu, bage pe benang megara. Sulamlah gambar-gambar+ kerubim+ bas kain kemah e.
2 Tiap kain kemah e gedangna 12,5 meter janah belangna 1,8 meter.* Kerina kain kemah e seri belangna.+
3 Sambungkenlah lima kain kemah e jadi sada kain si mbelang, bage ka ban man kain kemah si lima nari. Alu bage lit dua kain kemah si mbelang.
4 Bas pinggir kain si mbelang e duana, banlah gelang-gelang arah benang biru nari. Alu bage duana kain si mbelang e banci isambungken.
5 Banlah 50 gelang bas pinggir kain si mbelang e, ban ka 50 gelang bas pinggir kain si mbelang si sada nari. Alu bage sanga gelang-gelang e ipersada, tiap gelang lit pasangenna.
6 Banlah 50 kawit-kawit arah emas nari, janah pake kawit-kawit e mpersada kain kemah si mbelang ndai duana. Alu bage duana kain kemah si mbelang ndai jadi sada guna kemah ingan ersembah.+
7 “Ban ka 11 kain+ arah mbulu kambing+ jadi penutup kemah ingan ersembah e.
8 Tiap kain kemah e arus seri, gedangna 13,4 meter janah belangna 1,8 meter.* Kerina kain kemah si 11 e arus seri belangna.
9 Sambungkenlah lima kain e jadi sada kain si mbelang, enem kain si debanna pe arus ka isambungken jadi sada kain si mbelang. Lit pagi lebih kain arah lebe-lebe kemah e, lipatlah kain si lebih e.
10 Banlah 50 gelang bas pinggir kain kemah si mbelang e, ban ka 50 gelang bas pinggir kain kemah si sada nari. Alu bage duana kain kemah si mbelang e banci isambungken.
11 Banlah 50 kawit-kawit arah tembaga nari. Masukken kawit-kawit e ku bas gelang-gelang kain ndai. Alu bage duana kain si mbelang ndai isambungken jadi sada.
12 Gedangen pagi kain penutup kemah e asangken kain kemah si sebelumna. Bagin si gedangen e nggantung pagi arah pudi kemah ingan ersembah e.
13 Kain penutup e arus gedangen 44,5 sentimeter* arah bagin sebelah kiri ras bagin sebelah kanan kemah ingan ersembah e. Kain penutup e arus nutupi duana bagin kemah ingan ersembah.
14 “Ban ka penutup kemah e arah kulit biri-biri jantan si enggo iwarnai megara janah i datasna ban ka sada nari kain penutup si iban arah kulit anjing laut nari.+
15 “Banlah rangka-rangka+ man kemah ingan ersembah e arah kayu akasia* nari janah tegak lurus ban masangsa.+
16 Tiap rangka ganjangna 445 sentimeter janah belangna kira-kira 67 sentimeter.*
17 Bas tiap rangka banlah dua pen* si sejajar. Arus bage banndu man kerina rangka kemah ingan ersembah e.
18 Banlah 20 rangka jadi dingding kemah ingan ersembah e si pengalana ku selatan.
19 “Banlah 40 alas pirak si erlubang*+ guna ipasang i teruh 20 rangka ndai. Dua alas pirak ipasangken man sada rangka sebap bas tiap rangka lit dua pen. Bage me alas pirak e ipasangken ku kerina rangka ndai.+
20 Banlah 20 rangka jadi dingding kemah ingan ersembah e si pengalana ku utara.
21 Banlah 40 alas pirak si erlubang. Dua alas pirak man sada rangka janah tiap rangka lit dua alas pirak i teruhna.
22 Banlah enem rangka si pengalana ku arah barat bas bagin si arah pudi kemah ingan ersembah e.+
23 Banlah dua rangka guna nahan duana sudut si arah pudi bas kemah ingan ersembah e.
24 Bas rangka enda arus lit dua kayu si iban teruh nari seh ku datas, janah ipersada pagi bas gelang si pertama. Rangka bas sudut si sada nari pe arus ka bage iban. Rangka-rangka enda me si nahan duana sudut si arah pudi bas kemah ingan ersembah.
25 Alu bage jumlah rangka e kerina lit waluh janah jumlah alas pirak si erlubang lit 16, dua alas pirak i teruh sada rangka.
26 “Banlah beloti-beloti arah kayu akasia nari. Lima beloti man sembelah rangka dingding kemah ingan ersembah,+
27 lima beloti man rangka kemah ingan ersembah si sembelah nari, ras lima beloti man rangka dingdingna si arah pudi si pengalana ku barat.
28 Ban ka beloti pas i tengah-tengah dingdingna, berteng ban arah ujung ku ujung kemah e.
29 “Lapisilah rangka e alu emas,+ ban ka gelang-gelang emas bas rangka e guna nahan beloti-beloti ndai. Lapisilah beloti-beloti e alu emas.
30 Banlah kemah ingan ersembah e bagi rancangen si enggo Kutuduhken man bandu i datas gunung.+
31 “Banlah tirai+ arah benang biru, benang wol ungu, benang megara, ras linen halus si ipintal. Sulamlah gambar kerubim-kerubim bas tirai e.
32 Gantungken tirai e ku empat tiang si iban arah kayu akasia si enggo ilapisi emas ndai. Kawit-kawitna arus iban arah emas nari. Pasangkenlah empatna tiang e ku empat alas pirak si erlubang.
33 Pasang tirai e ku kawit-kawit ndai, janah tama Peti Perjanjin*+ i pudi tirai e. Tirai e si jadi pemisah Ingan si Badia+ ras Ingan Sibadiana.+
34 Pasanglah penutup man Peti Perjanjin si lit bas Ingan Sibadiana.
35 “Tama meja e i darat tirai e, i sebelah utara kemah ingan ersembah. Tama ingan lampu+ i lebe meja e, i sebelah selatan kemah ingan ersembah.
36 Bas pintu masuk kemah e, banlah sada tirai si itenun arah benang wol ungu, benang biru, benang megara, ras linen halus si ipintal.+
37 Banlah lima tiang arah kayu akasia nari guna nggantungken tirai e, lapisi tiang-tiang e alu emas. Kawit-kawitna pe ban ka arah emas nari. Ban ka lima alas tembaga si erlubang man tiang-tiang e.
Cataten i teruh
^ Jenis batang kayu enda turah bas gurun pasir ntah pe taneh mesawang.
^ Pen maksudna bagin si nduldul bas ujung rangka e. E me kari si ipersada ras bagin si debanna.
^ Maksudna, lit iban lubang bas alas e si banci ipasangken ras pen rangka.
^ Ntah “Peti Perpadanen.”
