Keluaren 27:1-21
27 “Banlah ingan nutung* persembahen arah kayu akasia* nari.+ Gedangna ras belangna kira-kira dua meter, ganjangna kira-kira sada meter.* Bentuk ingan nutung persembahen e arus segi empat.+
2 Banlah tanduk+ bas empatna sudut ingan nutung persembahen e janah lapisi tanduk-tanduk e alu tembaga.+
3 Banlah ember-ember guna ngambekken abu* janah ban ka sekop-sekop, mangkok-mangkok, garpu-garpu, ras ingan rara. Kerina alat e arus iban arah tembaga nari.+
4 Banlah jirjak arah tembaga jenari ban bentukna bagi jaring. Kenca si e tama bas ingan nutung persembahen. Ban ka empat gelang arah tembaga nari bas empatna sudut ingan nutung persembahen e.
5 Tamalah jirjak e i teruh babah ingan nutung persembahen, jirjak e arus lit i tengah ingan nutung persembahen e.
6 Banlah tongkat-tongkat arah kayu akasia nari guna ingan nutung persembahen, lapisi tongkat e alu tembaga.
7 Adi iangkat pagi ingan nutung persembahen e, tongkat-tongkat ndai arus imasukken ku gelang-gelang si leket i dingding ingan nutung persembahen e.+
8 Ingan nutung persembahen e arus iban arah papan nari, ban bentukna bagi kotak kosong. Arus banndu bagi rancangen si enggo Kucidahken man bandu i datas gunung.+
9 “Arus ka banndu tirai i halamen+ kemah ingan ersembah e. Bas bagin halamen si pengalana ku selatan arus lit tirai si jadi dingding arah linen halus si ipintal. Gedang tirai e 44,5 meter.*+
10 Bas bagin e arus lit 20 tiang ras 20 alas tembaga si erlubang. Kawit-kawit bas tiang e ras kerina gelangna* arus iban arah pirak nari.
11 Bas bagin halamen si pengalana ku utara pe arus lit tirai si jadi dingding si gedangna 44,5 meter. Ban ka 20 tiang ras 20 alas tembaga si erlubang. Kawit-kawit ras kerina gelangna arus iban arah pirak nari.
12 Bas bagin halamen si pengalana ku barat, ban ka tirai si jadi dingding si gedangna kira-kira 22 meter* bali bagi belang halamen e, bage pe sepuluh tiang ras sepuluh alas si erlubang.
13 Belang halamen si pengalana ku arah matawari terbit eme si ku arah timur kira-kira 22 meter.
14 I je me gerbang halamen e. I sebelah kanan gerbang e arus lit tirai si gedangna kira-kira pitu meter* bage pe telu tiang ras telu alas si erlubang.+
15 Bas sebelah kiri gerbang e pe arus lit tirai si gedangna kira-kira pitu meter bage pe telu tiang ras telu alas si erlubang.
16 “Bas gerbang halamenna, arus lit tirai si gedangna 8,9 meter* bage pe empat tiang ras empat alas si erlubang.+ Tiraina e arus iban arah benang biru, benang wol ungu, benang megara, ras linen halus si ipintal.+
17 Kerina tiang si lit i sekeliling halamen e arus lit kawit-kawitna ras ingan nangkutken si iban arah pirak nari. Tapi alas-alasna si erlubang arus iban arah tembaga nari.+
18 Gedang halamen e 44,5 meter,+ belangna kira-kira 22 meter.* Gedang tirai pemisahna kira-kira 2 meter* janah iban arah linen halus si ipintal. Arus ka lit alasna si erlubang si iban arah tembaga nari.
19 Kerina perlengkapen si ipake guna ngelayani i kemah ingan ersembah, bage pe pantuk-pantuk kemah ras pantuk-pantuk man halamenna arus iban arah tembaga nari.+
20 “Suruhlah kalak Israel maba minak saitun murni guna lampu-lampu ndai gelah gara lalap lampu-lampu e.+
21 Lampu-lampu i kemah perjumpan si lit i darat tirai i deher Peti Perjanjin*+ arus tetap gara. Harun ras anak-anakna si ngaturkenca gelah lampu-lampu e tetap gara i lebe-lebe Jahwe, mulai berngi nari seh erpagi-pagi.+ Enda me peraturen si arus ikutken kalak Israel ras kerina keturunenna.+
Cataten i teruh
^ Jenis batang kayu enda turah bas gurun pasir ntah pe taneh mesawang.
^ Ntah “abu si lit lemakna,” eme abu si tercampur ras lemak korban.
^ Ntah “si mpersadasa.”
^ As. “Gedang tirai pemisahna 5 hasta.”
^ Ntah “Peti Perpadanen.”
