Keluaren 31:1-18
31 Nina Jahwe ka man Musa,
2 “Enggo Kupilih Besalel+ anak Uri kempu Hur arah suku Juda nari.+
3 Kuban ia dem alu kesah si badia, Kubere ia kepentaren, pengertin, pemeteh kerna erbage-bage keahlin
4 guna erban rancangen, erban barang-barang arah emas, pirak, ras tembaga,
5 guna motong ras mbentuk batu-batu si merga,+ ras erban erbage barang-barang arah kayu nari.+
6 Selain si e, enggo Kutugasken kalak si nampati ia eme Oholiap+ anak Ahisamah arah suku Dan nari. Kubereken pagi kepentaren man kerina kalak si ahli, gelah kalak e banci erban kerina si enggo Kuperentahken man bandu, eme:+
7 kemah perjumpan,+ Peti Perjanjin*+ ras tutupna,+ bage pe kerina perlengkapen bas kemah,
8 meja+ ras perlengkapenna, ingan lampu si iban arah emas murni nari ras kerina perlengkapenna,+ ingan nutung* persembahen guna nutung kemenyan,+
9 ingan nutung persembahen tutungen+ ras kerina perlengkapenna, baskom ras nahena,+
10 baju si itenun alu mejile, baju si badia man Imam Harun bage pe man anak-anakna si dilaki si ngelayani jadi imam,+
11 minak pelantiken, bage pe kemenyan si merim guna ingan si badia.+ Kalak e pagi si erbanca kerina, bagi si enggo Kuperentahken man bandu.”
12 Nina Jahwe ka man Musa,
13 “Kataken man kalak Israel, ‘Si pentingna arus dalanken kena wari SabatKu,+ sebap e kap si jadi tanda antara Aku ras kena seh ku kerina keturunen kena, gelah teh kena maka Aku kap Jahwe si mpebadiaken kena.
14 Arus dalanken kena wari Sabat, sebap wari e badia man kena.+ Ise pe si ngelanggar undang-undang kerna wari Sabat arus ibunuh. Adi lit kalak si erdahin bas wari e, arus ia ibunuh.+
15 Enem wari dekahna kena erdahin, tapi bas wari pepituken eme wari Sabat, wari guna istrahat.+ Wari e badia man Jahwe. Ise pe si erdahin bas wari Sabat arus ibunuh.
16 Kalak Israel arus terus ndalanken wari Sabat. Kalak e bage pe kerina keturunenna arus matuhi wari Sabat. Enda me perjanjin si tahan rasa lalap.
17 Enda pagi si lalap jadi tanda antara Aku ras kalak Israel,+ sebap enem wari dekahna Aku, eme Jahwe, nciptaken langit ras doni janah bas wari si pepituken istrahat Aku.’”+
18 Kenca dung Dibata ngerana man Musa i Gunung Sinai, berekenNa dua lembar batu+ man Musa eme batu si tulis Dibata alu jari-jariNa.+
