Keluaren 37:1-29
37 Kenca si e ban Besalel+ Peti Perjanjin*+ arah kayu akasia* nari. Gedangna kira-kira 111 sentimeter, belangna ras ganjangna kira-kira 67 sentimeter.*+
2 Lapisina alu emas murni bagin si arah bas ras si arah darat Peti e. Banna ka bingkai arah emas nari bas bagin si arah datas i sekeliling Peti e.+
3 Kenca si e banna ka empat gelang arah emas nari, janah leketkenna i datas empatna nahe Peti e. Dua gelang banna bas sembelahna janah dua gelang nari bas sembelahna ka.
4 Jenari banna ka tongkat-tongkat arah kayu akasia nari jenari lapisina alu emas.+
5 Kenca si e masukkenna tongkat-tongkat e ku gelang-gelang si lit i Peti Perjanjin ndai gelah Peti Perjanjin e banci ibaba.+
6 Banna ka tutup Peti e arah emas murni nari.+ Gedangna kira-kira 111 sentimeter, belangna kira-kira 67 sentimeter.+
7 Tempahna ka dua patung kerubim+ arah emas nari bas duana pinggir penutup Peti e.+
8 Banna patung kerubim i datas dua pinggir penutup Peti e, sada kerubim bas sada ujungna janah sada kerubim bas ujung si sada nari.
9 Kerubim-kerubim e sihadap-hadapen i datas penutup Peti e, pengala ayona ku teruh, ku tutup Peti e.+ Kimbang kabeng kerubim e duana, bayangen kabengna nutupi tutup Peti e.+
10 Banna ka sada meja arah kayu akasia nari,+ gedangna 89 sentimeter, belangna 44,5 sentimeter, ras ganjangna kira-kira 67 sentimeter.*+
11 Lapisina meja e alu emas murni janah banna bingkai emas bas bagin si arah datas i sekelilingna.
12 Kenca si e banna pinggiren asa tapak-tapak tan* i sekeliling meja e janah hiasina e alu bingkai emas.
13 Banna ka empat gelang arah emas nari, janah leketkenna i datas empatna nahe meja e. Bas tiap nahe meja e leketkenna sada gelang.
14 Gelang-gelang e leketkenna i deher pinggiren meja ndai gelah jadi ingan tongkat-tongkat guna maba meja e.
15 Kenca si e banna ka tongkat-tongkat arah kayu akasia nari guna ngangkat meja e jenari lapisina alu emas.
16 Banna ka perlengkapen arah emas murni nari guna itama i datas meja. Perlengkapen e eme piring, cangkir, mangkok, ras teko guna nuangken persembahen inemen.+
17 Tempahna ka ingan lampu+ arah emas murni nari. Banna ka tapakna, batangna, cabang-cabangna, kelopak bungana, bunga si lenga mekar, ras bunga si enggo mekar. Kerina e banna arah sada potong emas nari.+
18 Banna ka enem cabang bas ingan lampu e, sembelah telu cabang, sembelah nari ka telu cabang.
19 Bas tiap cabang lit telu kelopak si bentukna bagi bunga almond. Banna ka selang-seling ras bunga si lenga mekar bage pe si enggo mekar. Bage banna bas enemna cabang si lit bas ingan lampu e.
20 Bas batang ingan lampu e banna ka empat kelopak si bentukna bagi bunga almond janah banna selang-seling ras bunga si lenga mekar bage pe si enggo mekar.
21 Lit sada bunga si lenga mekar bas teruh pasangen cabang si pertama, sada bunga si lenga mekar bas teruh pasangen cabang si peduaken, bage ka pe sada bunga si lenga mekar i teruh pasangen cabang si peteluken. Bage me enemna cabang si lit bas batang lampu e.
22 Bunga si lenga mekar e, cabang-cabangna, bage pe ingan lampu e, tempahna arah sada batang emas murni nari.
23 Kenca si e banna pitu lampu+ ras penjepit-penjepit sumbuna bage pe ingan-ingan sumbuna arah emas murni nari.
24 Ingan lampu e ras kerina peralatenna banna arah 34,2 kilo* emas murni nari.
25 Banna ka ingan nutung* persembahen arah kayu akasia nari guna nutung kemenyan.+ Bentukna segi empat. Gedangna ras belangna 44,5 sentimeter, ganjangna 89 sentimeter.*+
26 Lapisina alu emas murni kerina baginna si arah datas, empatna dingdingna, bage pe empatna tandukna. Jenari banna bingkai emas i sekelilingna.
27 Teruh bingkai e banna gelang emas ingan tongkat guna mabasa. Banna dua gelang emas bas sada dingdingna janah dua gelang bas dingdingna si sada nari.
28 Kenca si e banna ka tongkat-tongkat arah kayu akasia nari jenari lapisina alu emas.
29 Banna ka minak pelantiken si badia+ ras kemenyan murni si merim+ si iracik alu mehuli.
Cataten i teruh
^ Ntah “Peti Perpadanen.”
^ Jenis batang kayu enda turah bas gurun pasir ntah pe taneh mesawang.
