Ketangkasen 10:1-11
10 Kuidah malekat si deban si megegeh nusur surga nari. Malekat e itutupi embun, i datas takalna lit pelangi. Ayona bagi matawari+ janah nahena bagi tiang api.
2 Bas tanna lit gulungen kitik si terbuka. Nahena si kanan merjak laut, janah nahena si kiri merjak daraten.
3 Jenari ngerana ia alu sora megang bagi singa si erngaung.+ Sanga ia ngerana, kubegi pitu lenggur+ ngerana.
4 Sanga ngerana pitu lenggur e, kutulis teku, tapi kubegi sora arah langit nari,+ nina, “Rahasiaken* kai si kataken pitu lenggur e, ula tulis.”
5 Malekat si kuidah tedis i laut ras daraten e ngangkat tan kananna ku langit,
6 ersumpah ia i lebe-lebe Ia si nggeluh seh rasa lalap,+ si nciptaken langit ras kerina isina, doni ras kerina isina, bage pe laut ras kerina isina.+ Nina malekat e, “Waktuna lanai itunda.
7 Tapi sanga embus malekat si pepituken e+ tena trompetna,+ nandangi terjadi rahasia si badia Dibata.+ Enda rahasia si badia si ipeseh Dibata jadi berita si meriah man budak-budakNa, eme nabi-nabi.”+
8 Kubegi ka sora langit nari,+ nina, “Buat gulungen si terbuka bas tan malekat si tedis i laut ras daraten e.”+
9 Lawes aku, kudahi malekat e, jenari kupindo gelah berena gulungen si kitik e man bangku. Nina man bangku, “Buat jenari pan ngasa keri,+ banna kari bas beltekndu jadi pagit, tapi bas babahndu ntebu bagi madu.”
10 Kubuat gulungen si kitik e arah tan malekat e nari, jenari kupan.+ Bas babahku ntebu nanamna bagi madu.+ Tapi kenca kubendut, jadi pagit bas beltekku.
11 Kenca si e, nina man bangku, “Arus denga kam ernubuat kerna manusia, bangsa-bangsa, bahasa-bahasa, bage pe kerna raja-raja.”
Cataten i teruh
^ As. “Meteraikenlah.”
