Kuan-kuanen 1:1-33
1 Enda me kuan-kuan* arah Salomo+ raja Israel,+ anak Daud,+
2 Guna meteh kepentaren+ ras disiplin,Guna ngangkai kata-kata si mbages kel ertina,
3 Guna ndatken disiplin+ si mereken pengangkan,Kebenaren,+ kai si adil,*+ ras si bujur,
4 Gelah kalak si la erpengalamen jadi cerdik,+Gelah kalak si nguda denga ndatken pemeteh ras beluh rukur.+
5 Kalak si pentar nggit megiken janah lalap nggit erlajar,+Kalak si erpengangka meriah akapna ndarami petunjuk si erguna,*+
6 Guna ngangkai kuan-kuan ras perumpaman,Bage pe kata-kata kalak si pentar ras teka-teki kalak e.+
7 Mbiar man Jahwe eme kap bena-bena pemeteh.+
Kalak motu ngenca si la ngergai kepentaren ras disiplin.+
8 O Nakku, begikenlah disiplin arah bapakndu,+Perdiatekenlah si iajarken mamakndu.+
9 Sebap si e bali bagi hiasen si mejile bas takalndu,+Ras kalung si mejile bas kerahungndu.+
10 O Nakku, adi ajak kalak perdosa kam, ula kam nggit.+
11 Adi nina kalak e man bandu, “Ota ikutken kami.
Ota kita cebuni guna nyerang kalak si la ersalah.
Gempang kita, jenari siserang kalak e guna meriah-riah saja.
12 Bali bagi Kuburen,* sibendut kalak e nggeluh-nggeluh,Kerinana sibendut, bagi kalak si nusur ku bas kuburen.
13 Ota sirampas kerina barangna si merga,Sidemi rumahta alu hasil jarahen e.
14 Arus kam ikut ras kami,Janah sibagi rata pagi kai si enggo sitangko e.”
15 O Nakku, ula ikutken kalak e.
Ula deheri dalan kalak e,+
16 Sebap nahe kalak e kiam guna ngelakoken si jahat,Kurang ter kapna munuh kalak.+
17 Sia-sia kap siding adi idah perik siding e ipasang.
18 E me sebapna cebuni kalak e guna munuh,Cebuni kalak e guna munuh kalak si deban.
19 E me si lakoken kalak si la jujur guna ndarami untung,Janah e si erban kalak e mate.+
20 Kepentaren situhu-tuhu+ erlebuh i dalan.+
Megang sorana terbegi bas ingan jelma si enterem.+
21 Erlebuh ia bas persimpangen dalan.
Bas pintu gerbang kota, nina,+
22 “O kalak si la erpengalamen, ngasa ndigan meriah kap kena ngidah keadan kena?
O kalak si nggit nokohi, ngasa ndigan meriah kap kena nokohi?
O kalak motu, ngasa ndigan segat ate kena pemeteh?+
23 Perdiatekenlah persingetku.*+
Jenari kubereken kepentarenku man bandu,Kusampati kam pagi ngangkai kata-kataku.+
24 Sebap sanga erlebuh aku, la begiken kena,Sanga kududurken tanku, sada pe kena la mperdiatekenca.+
25 Lalap la perdiateken kena kerina nasehatku,Janah la aloken kena persingetku.
26 Kutawai pagi sanga terjadi bencana man kena,Kutokohi pagi kena sanga kena mbiar,+
27 Sanga reh pagi si erban kena mbiar si bali bagi badai,Sanga reh bencana ku kena bali bagi angin si meter,Sanga terjadi masalah ras kesusahen man kena.
28 Sanga si e erlebuh pagi kalak e, tapi la kualoi,Darami kalak e aku, tapi la datna.+
29 Sebap segat ate kalak e pemeteh,+Janah la kalak e mbiar man Jahwe.+
30 La aloken kalak e nasehatku,La ergai kalak e kerina persingetku.
31 Emaka nanami kalak e pagi akibat perbahanenna,+Janah tuhu-tuhu nanami kalak e pagi akibat rencana jahatna.
32 Sebap mate pagi kalak si la erpengalamen perban mberontak,Janah kernep pagi kalak si motu perban la diatena kai pe.
33 Tapi kalak si megiken aku, aman pagi akapna nggeluh+Janah la ia mbiar bencana.”+
Cataten i teruh
^ Ntah “kata-kata si pentar.”
^ Ntah “beluh rukur.”
^ Ntah “petunjuk arah kalak si pentar.”
^ Ntah “Robahlah sanga kupersingeti.”
