Kuan-kuanen 13:1-25
13 Anak si pentar, nggit ngaloken disiplin bapakna,+Tapi kalak si nggit nokohi, la nggit ngaloken persinget.+
2 Gejapken kalak kai si mehuli perban rananna,+Tapi penipu, kai si jahat ngenca ia merhat.
3 Kalak si jagana rananna, lindungina kesahna,+Tapi kalak si la jagana rananna, susah pagi.+
4 Kalak si perkisat mbue sura-surana tapi kadena pe la lit,+Tapi kalak si rajin tuhu-tuhu puas pagi akapna.+
5 Kalak si benar segat atena kai si la tuhu,+Tapi perbahanen kalak jahat erban mela ras terhina.
6 Kebenaren ngelindungi kalak si la ersalah,+Tapi kejahaten erban ndabuh kalak si perdosa.
7 Lit kalak si ban-banna bayak tapi kadena pe la lit,+Lit kalak si ban-banna mesera tapi mbue ertana.
8 Kalak bayak nebusi kesahna alu ertana,+Tapi kalak mesera iancam kalak pe lang.+
9 Sinar kalak si benar terang kel,+Tapi lampu kalak jahat imateken pagi.+
10 Perbahanen melebesa erban perubaten ngenca,+Tapi kepentaren jang kalak si mindo nasehat kap.+
11 Erta si nukah ndatkenca meter pagi keri,+Tapi erta si ipepulung sitik-sitik, tambah pagi lalap.
12 Arapen si la terjadi erban getem pusuh,+Tapi sura-sura si terjadi, bali bagi batang kayu kegeluhen.+
13 Ise pe si la nggit megiken petunjuk,* itanggungna pagi akibatna,+Tapi kalak si ngergai perentah pasti pagi dat upah.+
14 Ajaren* kalak si pentar bagi sumber kegeluhen+Si mpedauh kalak arah jerat kematen nari.
15 Kalak si mbages pengangkanna, jadi ate kalak,Tapi dalan penipu dem alu kesusahen.
16 Kalak si pentar ertindak alu pemeteh,+Tapi kalak bodoh cidahkenna kebodohenna.+
17 Utusen si jahat erban masalah,+Tapi utusen si setia mereken manpaat.+
18 Kalak si la nggit ngaloken disiplin, jadi mesera pagi ras ihina,Tapi kalak si nggit ngaloken persinget, imuliaken pagi.+
19 Sura-sura si terjadi erban meriah ukur,+Tapi kalak si motu la nggit mpedauh si la mehuli.+
20 Kalak si erteman ras kalak pentar jadi pentar,+Tapi kalak si erteman ras kalak si motu pasti pagi kena cilaka.+
21 Kesusahen ngayaki kalak si perdosa,+Tapi kemakmuren mereken upah man kalak si benar.+
22 Kalak si mehuli nadingken warisen man kempu-kempuna,Tapi erta kalak si perdosa isimpan pagi man kalak si benar.+
23 Juma kalak mesera si enggo ibajak ngasilken mbue pangan,Tapi si e* bene perban la lit keadilen.
24 Kalak si la hukumna* anakna, la atena keleng anakna e,+Tapi kalak si keleng atena anakna, pasti* hukumna anakna.+
25 Kalak si benar, man pagi seh asa besur,+Tapi beltek kalak jahat kelihen pagi.+
Cataten i teruh
^ Ntah “kata.”
^ Ntah “Undang-undang.”
^ Ntah “Tapi ia.”
^ Ntah “disiplinna.”
^ Ntah banci saja “mis.”