Kuan-kuanen 14:1-35
14 Diberu situhu-tuhu pentar, bangunna rumah tanggana,+Tapi diberu si motu, runtuhkenna rumah tanggana alu tanna.
2 Kalak si bujur mbiar man Jahwe,Tapi penipu* hinana Dibata.
3 Kata-kata kalak si pentar ngelindungi ia,Tapi kata-kata kalak bodoh si sombong, erban ia susah.
4 Bersih ingan nakan lembu, adi la lit lembu,Tapi alu gegeh lembu jantan, mbue hasil rani.
5 Saksi si setia labo erbual,Tapi saksi palsu lalap erbual.+
6 Kalak si nggit nokohi ndarami kepentaren tapi la datna,Tapi kalak si erpengangka nukah kapna ndatken pemeteh.+
7 Ula deheri kalak si motu,Sebap labo pagi datndu pemeteh arah kata-katana.+
8 Kalak si cerdik tehna ku ja tujunna sebap lit bas ia kepentaren,Tapi kalak bodoh itipu* alu kebodohenna.+
9 Kalak si bodoh, tawaina kesalahen*+Tapi kalak si bujur, nggit erdame.*
10 Susah ntah pe senang, pusuh ngenca si nggejapkenca,La lit si deban si banci nggejapkenca.
11 Rumah kalak jahat hancur pagi,+Tapi kemah kalak si bujur makmur pagi.
12 Lit dalan si tempa-tempa mehuli akap kalak,+Tapi ujungna eme kematen.+
13 Sanga sekalak jelma tawa, banci saja getem pusuhna,Janah keriahen ukur, banci dungna jadi ceda ate.
14 Kalak si mehuli, peranina pagi pasu-pasu arah perbahanenna,+Tapi kalak si licik pusuhna, tanggungna pagi akibat arah dalan geluhna.+
15 Kalak si la erpengalamen, tek man kerina ranan,Tapi kalak si cerdik, ukurina tiap langkahna.+
16 Kalak si pentar hati-hati janah silahkenna kai si jahat,Tapi kalak si motu buru-buru janah teksa ia man dirina.
17 Kalak si nukah merawa ertindak alu bodoh,+Tapi kalak si rukur sope ertindak,* segat ate kalak.
18 Kalak si la erpengalamen, kebodohen ngenca si datna,Tapi kalak si cerdik, imahkotai pagi alu pemeteh.+
19 Kalak si la bujur sujud pagi i lebe-lebe kalak si bujur,Janah kalak jahat sujud pagi i gerbang kalak si benar.
20 Kalak mesera, tetanggana pe rate segat man bana,+Tapi kalak bayak mbue temanna.+
21 Erdosa kap kalak si rate segat man kalak si deban,Tapi ermeriah ukur kap kalak si rate mekuah man kalak si lemah.+
22 Kalak si erban rencana jahat papak pagi,Tapi kalak si erban rencana si mehuli ndatken kesetian ras kekelengen si setia pagi.+
23 Kerina kerja keras pasti lit gunana,Tapi adi ngeranai saja, erban kalak jadi mesera.+
24 Mahkota kalak si pentar eme ertana,Tapi pendahin kalak bodoh ngasilken kebodohen ngenca.+
25 Saksi si benar nelamatken kegeluhen,Tapi penipu lalap erbual.
26 Kalak si mbiar man Jahwe tek ia man baNa bas kai pe,+Janah anak-anakna ilindungi pagi.+
27 Mbiar man Jahwe bagi mata lau kegeluhen,Janah e banci erban kalak selamat arah kematen.*
28 Adi enterem rakyat, mulia me raja,+Tapi adi la lit rakyat, runtuh me kuasana.
29 Kalak si la meter merawa, mbelin pengertinna,+Tapi kalak si la sabar, ncidahken kebodohenna.+
30 Pusuh si tenang, erban daging sehat,*Tapi perasan cemburu, bali bagi penakit si erban macik tulan.+
31 Ise pe si nipu kalak si lemah, hinana kap Si Nciptaken ia,+Tapi ise pe si rate mekuah man kalak si mesera, muliakenna Si Nciptaken ia.+
32 Kalak si jahat ndabuh pagi iban kejahatenna,Tapi kalak si benar ilindungi pagi perban kesetianna.+
33 Kalak si lit pengertinna, simpanna kepentaren bas pusuhna,+Tapi kalak motu, pamerkenna kai si tehna.
34 Kebenaren erban sada bangsa imuliaken,+Tapi dosa erban sada bangsa ihina.
35 Meriah ukur raja ngidah pelayan si erpengangka,+Tapi merawa ia man pelayan si perbahanenna erban mela.+
Cataten i teruh
^ Ntah “kalak si licik.”
^ Ntah banci saja “kalak bodoh nipu kalak si deban.”
^ Ntah “tawaina usaha guna mpekena kesalahen.”
^ Ntah “mehuli ukurna.”
^ Ntah “si beluh rukur.”
^ As. “arah jerat kematen.”
^ Ntah “mereken kegeluhen.”