Kuan-kuanen 15:1-33
15 Jawapen si lembut, erban pusuh lanai merawa,+Tapi ranan si kasar,* banci erban merawa.+
2 Ranan kalak pentar, dem alu pemeteh,+Tapi ranan kalak bodoh, dem alu kebodohen.
3 Mata Jahwe mperdiateken kerinana,PerdiatekenNa kalak jahat ras kalak bujur.+
4 Ranan si mehuli* eme batang kayu kegeluhen,+Tapi ranan si nipu erban lanai semangat.
5 Kalak si motu, la ergaina disiplin bapakna,+Tapi kalak si cerdik, alokenna persinget.+
6 Dem kap erta bas rumah kalak si benar,Tapi si hasilken* kalak jahat erban ia susah.+
7 Kalak pentar cakapkenna pemeteh gelah tersebar,+Tapi kalak motu la bage.+
8 Korban kalak jahat ciga ate Jahwe,+Tapi toto kalak bujur ngena ateNa.+
9 Ciga ate Jahwe dalan geluh kalak si jahat,+Tapi keleng ateNa kalak si usahakenna ngelakoken si benar.+
10 Disiplin tempa-tempa la mehuli akap kalak si nadingken dalan si benar,+Tapi ise pe si rate segat man persinget, mate pagi.+
11 Kuburen* ras ingan engkernepken* pe jelas idah Jahwe.+
Apai ka pusuh manusia!+
12 Kalak si nggit nokohi, la atena keleng kalak si mpersingeti ia.+
La ia nggit mindo nasehat arah kalak si pentar.+
13 Pusuh si senang teridah kap bas ayo,Tapi pusuh si ceda erban lanai semangat.+
14 Pusuh si lit pengertinna ndarami pemeteh,+Tapi kalak bodoh ngayaki kebodohen.+
15 Wari-wari kalak si susah, lalap la mehuli.+
Tapi kalak si ermeriah ukur,* tiap wari erpesta.+
16 Ulin kap sitik erta, tapi mbiar man Jahwe+Asangken mbue erta, tapi dem perasan kuatir.+
17 Padin man sada piring sayur, tapi lit kekelengen+Asangken man daging lembu si mbur, tapi lit segat ate.+
18 Kalak si nukah merawa, erban turah perubaten,+Tapi kalak si la nukah merawa, mpengadi perubaten.+
19 Dalan kalak perkisat bagi pagar si erduri,+Tapi dalan kalak bujur bagi pasar galang si mejile.+
20 Anak si pentar erban meriah ukur bapakna,+Tapi anak si bodoh la ngergai mamakna.+
21 Kebodohen erban kalak si la rukur ermeriah ukur,+Tapi kalak si lit pengertinna, pinter perdalanna.+
22 Rencana gagal adi la icakapken lebe,Tapi rencana berhasil adi mbue penasehat.+
23 Meriah ukur adi mereken jawapen si benar,+Janah seh kel ulina kata-kata si ibelasken bas waktu si tepat.+
24 Kalak si erpengangka, nangkeng ku dalan si nuju ku kegeluhen,+Janah la ia nusur ku dalan si nuju ku Kuburen.*+
25 Runtuhken Jahwe pagi rumah kalak si sombong,+Tapi jagaNa pagi batas taneh diberu si janda.+
26 Ciga ate Jahwe rencana kalak jahat,+Tapi jadi ateNa ranan si mehuli.+
27 Kalak si ndatken untung alu cara si la jujur, erban masalah man* keluargana,+Tapi kalak si segat atena sogok, tetap pagi nggeluh.+
28 Pusuh kalak benar, rukur lebe ope lenga ngerana,+Tapi kalak jahat, ngataken kai si la mehuli.
29 Ndauh kap Jahwe arah kalak si jahat,Tapi toto kalak si benar begikenNa.+
30 Ayo si senang erban meriah ukur,Berita si mehuli mereken gegeh.+
31 Kalak si nggit megiken persinget si mabai ku kegeluhenEme kalak si pentar.+
32 Ise pe si la nggit ngaloken disiplin, la ergaina kesahna,+Tapi ise pe si megiken persinget, ndatken pengertin.+
33 Mbiar man Jahwe eme pelatihen gelah jadi pentar,+Janah sipat meteruk ukur maba kemulian.+
Cataten i teruh
^ Ntah “meser.”
^ Ntah “mpepalem.”
^ Ntah “Tapi uang masuk.”
^ Ntah “ras Abaddon.”
^ Ntah “si mehuli ukurna.”
^ Ntah “mpermelaken.”