Kuan-kuanen 16:1-33
16 Ban manusia rencana bas pusuhna,*Tapi jawapen si berekenna* rehna arah Jahwe.+
2 Akap sekalak jelma benar kerina perbahanenna,+Tapi Jahwe si mereksa perukuren.+
3 Teklah man Jahwe bas kerina si lakokenndu,+Gelah berhasil rencana-rencanandu.
4 Ban Jahwe kerina erdalan sue ras peratenNa,Kalak jahat pe kernep banNa bas wari penghukumen.+
5 Ciga ate Jahwe kalak si sombong.+
Kalak si bage pasti ihukum.
6 Alu kekelengen si setia ras kesetian, kesalahen iampuni,+Janah perban mbiar man Jahwe, la lakoken kalak kai si jahat.+
7 Adi jadi ate Jahwe nandangi dalan geluh sekalak jelma,Musuh-musuhna pe iban Dibata erdame ras ia.+
8 Ulin sitik penghasilen tapi jujur+Asangken melala penghasilen tapi la jujur.+
9 Manusia banci erban rencana bas pusuhna,Tapi Jahwe kap si mabai perdalanna.+
10 Sekalak raja arus ngataken kai si ngena ate Dibata,+La banci lakokenna si la adil.+
11 Timbangen ras alat pengukur si jujur rehna arah Jahwe nari,Janah kerina batu timbangen bas tas, Ia kap si erbanca.+
12 Ciga ate raja-raja ngidah perbahanen si jahat,+Sebap kebenaren kap si erban tahta tetap paguh.+
13 Ranan si benar erban meriah ukur raja-raja.
Jadi ate kalak e man kalak si ngerana alu jujur.+
14 Rawa raja bali bagi utusen kematen,+Tapi kalak si pentar banci erban ia lanai merawa.+
15 Adi jadi ate raja sekalak jelma, ermeriah ukur ia,Riah ukurna e bagi embun si mereken udan bas waktu si tepat.+
16 Ndauh ulin ndatken kepentaren asangken emas!+
Ulin milih pengertin asangken pirak.+
17 Kalak si bujur, nilah arah dalan si jahat.
Ise pe si njaga lagu langkahna, ngelindungi kesahna.+
18 Sipat sombong erban hancur,Meganjang rukur erban tertuktuk.+
19 Padin meteruk rukur i tengah-tengah kalak si lembut,+Asangken dat bagin arah jarahen kalak si sombong.
20 Kalak si erpengangka bas sada masalah, ndatken hasil si mehuli pagi,Janah meriah ukur kalak si tek man Jahwe.
21 Kalak si pentar ikataken pagi lit pengertinna,+Janah kalak si mehuli rananna,* erban kalak reh tekna.+
22 Pengangkan bali bagi mata lau kegeluhen man si mpunasa,Tapi kalak bodoh, kebodohenna pagi si mpersingeti ia.
23 Kalak si pentar, ngerana alu dem pengangkan,+Janah rananna e erban kalak reh tekna.
24 Ranan si erban meriah ukur bali bagi madu,Ntebu nanamna janah erban sehat.+
25 Lit dalan si tempa-tempa mehuli akap kalak,Tapi ujungna eme kematen.+
26 Perban lihena, tutus ate kalak si kerja keras erdahin,Selerana man ngiahken ia erdahin.+
27 Kalak si la erguna ndarami si la mehuli,+Rananna bali bagi api si gurlah.+
28 Kalak si meriah kapna erban masalah,* erban perubaten kap,+Janah tukang pitnah, nirangken kalak si kompak.+
29 Kalak si kejam pengaruhina kalak si debanJanah babaina ku dalan si salah.
30 Banna rencana jahat janahna main mata.
Dalankenna rencana jahatna janahna cirem.
31 Uban bali bagi mahkota si mejile*+Man kalak si ngikutken dalan si benar.+
32 Ulin kalak si la nukah merawa+ asangken kalak si megegeh,Gegehen kalak si ngasup ngendaliken emosina asangken kalak si naluken kota.+
33 Undi ibenterken ku ampun,*+Tapi tiap keputusen si hasilkenna rehna arah Jahwe nari.+
Cataten i teruh
^ Ntah “benar.”
^ Ntah “Manusia ngatur kai si lit bas pusuhna.”
^ As. “si manis rananna.”
^ Ntah “si licik.”
^ Ntah “mulia.”
^ Eme bagin baju si nutupi nahe sanga sekalak jelma kundul.
