Kuan-kuanen 18:1-24
18 Kalak si nerapken bana, ngayaki sura-surana si mentingken bana,La ia nggit ngaloken kepentaren kai pe.
2 Kalak si bodoh la atena ngena pengertin,Tapi isi pusuhna saja ngenca atena katakenna.+
3 Adi reh kalak jahat, pasti lit si mela,Adi lit perbahanen si pemela-melaken, pasti lit si terhina.+
4 Ranan sekalak jelma bali bagi laut si mbages,+Sumber kepentaren e bali bagi lau si maler.
5 La mehuli mbela kalak jahat,+Janah la mehuli adi la mereken keadilen man kalak bujur.+
6 Ranan kalak bodoh erban perubaten,+Janah rananna erban kalak merhat mekpek ia.+
7 Ranan kalak bodoh erban dirina hancur,+Janah rananna jadi siding man kesahna.
8 Ranan tukang pitnah bagi pangan si entabeh,+Mis ibendut kalak janah masuk ku beltekna.+
9 Kalak si kisat ndahiken dahinna,Eme teman kalak si nggit ncedai.+
10 Gelar Jahwe eme kap menara si paguh.+
Ku je me kiam kalak si bujur janah ndatken perlindungen.+
11 Erta kalak bayak bali bagi kota si erbenteng man bana,Ertana e bali bagi tembok perlindungen bas bayangenna.+
12 Pusuh si sombong erban sekalak jelma ndabuh,+Sipat si meteruk ukur maba kemulian.+
13 Adi sekalak jelma njawap ope lenga begina uga situhuna,Bodoh kap janah pemela-melaken.+
14 Sanga sakit sekalak jelma, semangatna banci erban ia megegeh,+Tapi ise si ngasup maba babanna adi bene semangatna?+
15 Pusuh kalak si erpengangka, erusaha ndatken pemeteh,+Janah cuping kalak si pentar, erusaha ndarami pemeteh.
16 Hadiah mbuka dalan man kalak si merekenca,+Hadiah e pagi si mabai ia jumpa ras penguasa.
17 Kalak si tangtangna ngerana kerna perkarana bas pengadilen tempa-tempa benar,+Seh ngasa reh kalak si deban janah pereksana ia.+
18 Alu erban undi, dung me perubaten+Janah banci ka ndungi perjengilen kalak si megegeh.
19 Nukahen naluken kota si erbenteng asangken muat ukur teman si sakit hati,+Lit perubaten si mesera ndungisa bali bagi mbuka gerbang si paguh palangna.+
20 Ranan manusia bali bagi pangan si erban beltekna besur,+Janah gejapkenna pagi hasil arah kai si katakenna.
21 Dilah lit kuasana erban kalak nggeluh ntah pe mate,+Ise pe si pet ngerana, alokenna pagi akibatna.+
22 Kalak si ndatken ndehara si mehuli, ndatken keriahen ukur,+Janah jadi ate Jahwe ngidah ia.+
23 Kalak mesera mindo alu meteruk ukur,Tapi kalak bayak kasar ia ngaloi.
24 Lit teman si nggit ngancurken sada ras si debanna,+Tapi lit teman si deheren asangken si ersenina.+