Kuan-kuanen 19:1-29
19 Pangen mesera tapi setia+Asangken bodoh ras perbual.+
2 La mehuli adi sekalak jelma la lit pemetehna,+Janah kalak si merudusa, erdosa me dungna.
3 Kebodohen sekalak jelma mabai ia ku dalan si salah,Janah pusuhna erban ia merawa man Jahwe.
4 Kalak bayak melala temanna,Tapi kalak mesera, temanna pe nadingken ia.+
5 Saksi si palsu pasti ihukum,+Janah perbual labo banci pulah.+
6 Enterem kalak si muat ukur bangsawan* gelah jadi atena,Janah kerina kalak merhat erteman ras kalak si nggit mere hadiah.
7 Kalak mesera, kerina seninana rate segat man bana,+Apai ka teman-temanna, kalak e pe la nggit ndeher ras ia.+
Daramina kalak e guna mindo penampat, tapi sada pe la nggit nampatisa.
8 Kalak si beluh rukur, engkelengi dirina.+
Kalak si ngergai pengertin, berhasil pagi.+
9 Saksi palsu pasti pagi ihukum,Janah perbual pasti pagi ikernepken.+
10 La cocok adi kalak bodoh mewah pergeluhna,Apai ka adi sekalak budak merentah penguasa-penguasa.+
11 Pengangkan sekalak jelma erban ia la nukah merawa,+Janah ipuji pagi ia adi la inget-ingetna kesalahen.*+
12 Rawa raja bagi singa si erngaung,+Tapi atena jadi bagi namur bas sinuan-sinuan.
13 Kalak si bodoh erban bapakna susah,+Janah ndehara si meriah akapna rubati* bagi atap si bocor, si lalap naktaken launa.+
14 Rumah ras kebayaken eme warisen arah sekalak bapak,Tapi ndehara si pentar rehna i bas Jahwe nari.+
15 Kalak si perkisat, medem atena lalap,Janah kalak si perkisat, lumben ia pagi.+
16 Kalak si patuh man perentah, ijagana kap kesahna,+Kalak si la perdiatekenna dalanna, mate pagi.+
17 Kalak si mehuli man kalak mesera mere pinjamen man Jahwe,+UpahiNa pagi kai si ilakokenna e.+
18 Ajarilah anakndu sanga ia kitik denga,+Ula sempat kam si ertanggung jawap nandangi kematenna.+
19 Kalak si nukah merawa, tanggungna pagi akibatna,Adi usahakenndu nelamatken ia, arus mulih-ulih ilakokenndu.+
20 Begikenlah nasehat janah alokenlah pengajaren,+Gelah pentar kam pagi.+
21 Melala rencana bas pusuh manusia,Tapi rencana* Jahwe pagi si terjadi.+
22 Si iarapken arah manusia eme kekelengenna si setia,+Pangen jadi kalak si mesera tapi la perbual.
23 Mbiar man Jahwe mabai ku kegeluhen,+Kalak si mbiar man Dibata, entabeh kapna medem janah bebas ia arah bahaya.+
24 Kalak si perkisat namaken tanna ku mangkok pangan,Tapi nulangkenca ku babahna pe la ia nggit.+
25 Pekpeklah kalak si nggit nokohi+ gelah kalak si la erpengalamen jadi cerdik,+Janah persingetilah kalak si erpengangka gelah tambah pemetehna.+
26 Kalak si kasar man bapakna janah pelawesna mamaknaEme kap anak si pemela-melaken ras erban terhina.+
27 O Nakku, adi lanai begikenndu pengajaren,Nilah me pagi kam arah dalan pemeteh.
28 Saksi si la erguna tawaina keadilen,+Janah babah kalak si jahat bendutna kai si jahat.+
29 Kalak si nggit nokohi ihukum pagi,+Gurung kalak bodoh ipekpek pagi.+
Cataten i teruh
^ Ntah “ukur kalak si la pelit.”
^ Ntah “pelanggaren.”
^ Ntah “si pet mandangi.”
^ Ntah “sura-sura.”