Kuan-kuanen 2:1-22
2 O Nakku, adi begikenndu si kukatakenRas ergaindu si kuperentahken,*+
2 Alu megermet begikenndu kepentaren,+Janah bukandu pusuhndu man pengertin,+
3 Selain si e, adi erlebuh kam mindo pengangkan+Janah usahakenndu ndatken pengertin,+
4 Adi lalap daramindu si e bagi ndarami pirak,+Janah lalap daramindu si e bagi ndarami erta si terbuni,+
5 Tehndu me kai ertina mbiar man Jahwe,+Janah datndu pemeteh kerna Dibata.+
6 Sebap Jahwe kap si mereken kepentaren,+Arah babahNa nari ndarat pemeteh ras pengertin.
7 Ia sumber kepentaren man kalak si bujur,Ia perisai* man kalak si setia perbahanenna.+
8 JagaNa dalan kalak si adil,LindungiNa dalan kalak si setia man baNa.+
9 Alu bage angkandu pagi kai si benar ras si adil,Bage pe kerina dalan si mehuli.+
10 Sanga masuk kepentaren ku bas pusuhndu,+Janah pemeteh erban meriah ukurndu,+
11 Kengasupen rukur lalap pagi njagai kam,+Janah pengertin pagi si ngelindungi kam,
12 Guna nelamatken kam arah kai si la mehuli,Arah kalak si ncakapken kai si la tuhu,+
13 Arah kalak si nadingken dalan si benarSi ngikutken dalan kegelapen,+
14 Arah kalak si meriah kapna ngelakoken kai si jahat,Si meriah kapna nandangi kai si jahat ras si la tuhu,
15 Arah kalak si la pinter dalannaSi kerina dalanna licik.
16 Iselamatken kepentaren pagi kam arah dalan diberu penggoda,*Arah ranan manis diberu si gutul,*+
17 Si nadingken dilakina si enggo ngempoi ia sanga ia nguda denga,+Janah lupakenna perjanjinna ras Dibata,
18 Sebap lawes ku rumahna bali bagi lawes ku kematen,Janah dalan ku rumahna mabai ku kuburen.+
19 La lit sekalak pe si erurusen ras ia banci mulihken,Ntah pe mulihken ku dalan kegeluhen.+
20 Emaka ikutkenlah dalan si mehuli,Janah tetaplah erdalan bas dalan kalak si benar,+
21 Sebap kalak si bujur ngenca pagi si tading i doni,Janah kalak si lalap setia ngenca pagi si tetap tading i je.+
22 Tapi kalak jahat ikernepken pagi arah doni nari,+Janah kalak si la setia iambekken pagi arah je nari.+
Cataten i teruh
^ Ntah “Bunikenndu perentahku bagi erta.”
^ Ntah “ampang-ampang.”
^ As. “diberu si la itandai.” Mungkin kalak si la ngikutken patoken Dibata kerna lagu langkah.
^ As. “diberu asing.” Mungkin kalak si la nandai patoken Dibata kerna lagu langkah.
