Kuan-kuanen 20:1-30
20 Inemen anggur erban kalak nggit nokohi,+ inemen alkohol erban kalak la ngasup nguasai diri,+Ise pe si kena pengaruhna, tadingkenna me dungna dalan si benar.+
2 Mbiar man raja bali bagi mbiar man singa si erngaung,+Ise pe si erban raja merawa, ncilakai bana.+
3 Terpuji kap kalak si la nggit rubati,+Tapi kalak bodoh merhat ikut rubati.+
4 Kalak perkisat la mbajak sanga la mejile cuaca,Emaka mindo-mindo ia sanga musim rani sebap kadena pe la lit.*+
5 Perukuren jelma bali bagi lau si mbages,Tapi kalak si lit pengertinna banci nimbasa.
6 Enterem si ngataken lit kekelengen si setia bas ia,Tapi mesera kap ndatken kalak si setia.
7 Kalak si bujur setia kap.+
Ermeriah ukur pagi anak-anakna.*+
8 Sanga kundul raja bas tahtana guna ngadili,+Pereksana kerina guna ngambekken si la mehuli.+
9 Ise kin si banci ngataken, “Enggo kubersihken pusuhku,+Aku lanai erdosa”?+
10 Timbangen si la pas ras alat pengukur si la tepat,*Duana e ciga ate Jahwe.+
11 Anak si kitik denga* pe banci itandai arah perbahanenna,Benar ras bersih ntah lang lagu langkahna.+
12 Cuping guna megiken janah mata guna ngenen.
Duana e Jahwe kap si erbanca.+
13 Ula medem atendu lalap, adi bage mesera pagi geluhndu.+
Buka matandu, gelah melala panganndu.+
14 Nina kalak si nukur, “Enda la mejile, enda la mejile!”
Kenca si e, lawes ia janah banggakenna bana.+
15 Merga tuhu emas bage pe mbue koral,*Tapi ergan kap ranan kalak si erpemeteh.+
16 Buat baju kalak si mereken jaminen man kalak si la itandai.+
Rampas jaminen si berekenna man diberu si gutul.*+
17 Pangan si dat kalak alu cara nipu, entabeh nanamna,Tapi kenca si e, babahna dem alu kerikil.+
18 Rencana-rencana banci berhasil, adi cakapken lebe,+Janah ikutkenlah petunjuk si mehuli* sanga erperang.+
19 Tukang pitnah lawes ku jah ku je nceritaken rahasia kalak.+
Ula erteman ras kalak si meriah kapna cikurak.
20 Ise pe si sumpahina bapakna ras mamakna,Imateken pagi lampuna sanga gelap wari.+
21 Amin pe tangtangna kalak si merangap ndatken warisen,Tapi dungna, warisen e la jadi pasu-pasu.+
22 Ula kataken, “Kubalas pagi kalak si ngelakoken kejahaten!”+
Erpengarapenlah man Jahwe,+ gelah selamatkenNa pagi kam.+
23 Ciga ate Jahwe timbangen si la pas,*Janah timbangen si nipu la mehuli.
24 Jahwe si mabai perdalan manusia,+Labo angkai manusia perdalanna sendiri.*
25 Jerat kap man manusia adi merudusa ia erjanji man Dibata,+Kenca si e maka ukurina janjina e.+
26 Raja si pentar pisahkenna kalak jahat+Janah gilingna alu roda penggilingen.+
27 Kesah sekalak jelma eme kap lampu arah Jahwe,Si nerangi pusuhna.
28 Kekelengen si setia ras kesetian ngelindungi raja,+Alu kekelengen si setia, tahtana jadi paguh.+
29 Kehagan anak muda eme gegehna,+Janah kehagan man kalak si metua eme ubanna.+
30 Luka ras bengkak nasapken kejahaten,+Janah adi ipekpek, banci mbersihken pusuh kalak.
Cataten i teruh
^ Ntah banci saja “Cidaram pagi ia sanga musim rani tapi la datna kai pe.”
^ As. “anak-anakna si dilaki.”
^ Ntah “Dua batu timbangen si beda ras dua alat pengukur si beda.”
^ Ntah “Anak dilaki.”
^ Batu si merga arah laut nari.
^ As. “diberu asing.”
^ Ntah “pentar.”
^ Ntah “dua batu timbangen si beda.”
^ Ntah “manusia ku ja perdalanna.”