Kuan-kuanen 21:1-31
21 Pusuh sekalak raja bali bagi lau si maler bas tan Jahwe.+
Ia si nentuken ku ja ateNa permalerna.+
2 Akap sekalak jelma benar kerina perbahanenna,+Tapi Jahwe si mereksa pusuh.*+
3 Riahen akap Jahwe ngidah perbahanen si benar ras adilAsangken ngidah korban.+
4 Mata si sombong ras pusuh si tual,Eme kap lampu si mabai kalak jahat, janah e dosa kap.+
5 Rencana kalak rajin pasti berhasil,*+Tapi ise pe si merudu-rudu, mesera pagi dungna.+
6 Erta si idat alu nipu,Bagi remang si meter bene, janah bagi jerat si munuh.*+
7 Kalak jahat kernep pagi alu kejahatenna sendiri,+Sebap la kalak e nggit ndalanken keadilen.
8 Dalan kalak si ersalah belok-belok,Tapi kalak si la ersalah bujur perbahanenna.+
9 Pangen tading i sudut atapAsangken sada rumah ras ndehara si meriah kapna rubati.*+
10 Kalak jahat merhat ia kai si jahat,+La atena mekuah man kalak si deban.+
11 Adi kalak si nggit nokoh ihukum, kalak si la erpengalamen jadi pentar,Janah adi kalak si pentar ngaloken pengertin, tehna kai si arus ilakokenna.+
12 Dibata Si Adil mperdiateken rumah tangga kalak jahat,BanNa kalak jahat ndabuh seh asa hancur.+
13 Ise pe si la megiken pemindon kalak mesera,Labo pagi ialoi sanga ia erlebuh.+
14 Hadiah si ibereken alu erbuni-buni, erban kalak lanai merawa,+Janah sogok si ibereken alu erbuni-buni, erban rawa kalak lanai gara.
15 Meriah akap kalak bujur ngelakoken kai si adil,+Tapi si e ngeri akap kalak si meriah kapna erban si jahat.
16 Kalak si lanai pakena pengertinna,Dungna tading ia ras kalak mate.+
17 Kalak si meriah kapna ersenang-senang mesera pagi dungna,+Kalak si ngena atena anggur ras minak labo pagi bayak.
18 Kalak jahat pagi jadi tebusen man kalak si bujur,Janah penghianat pagi jadi tebusen man kalak si la ersalah.+
19 Pangen tading bas taneh mesawang,*Asangken ras ndehara si meriah kapna rubati* ras nukah merawa.+
20 Erta si merga ras minak, lit bas rumah kalak si pentar,+Tapi kalak bodoh keri-kerikenna kai si lit bas ia.+
21 Ise pe si erusaha ndatken kebenaren ras kekelengen si setia,Datna pagi kegeluhen, kebenaren, ras kemulian.+
22 Kalak pentar banci naluken kota kalak si megegeh,Janah enteng akapna gegeh si andalken kalak si megegeh e.+
23 Kalak si njaga babahna ras dilahna,Pedauhna dirina arah masalah.+
24 Kalak si melebesa ras meriah kapna mujiken bana,Ikataken me ia kalak sombong si la diatena kai akibatna.+
25 Kalak perkisat, mate iban sura-surana,Perban la ia nggit erdahin.+
26 Gedang-gedang wari tambah sura-surana,Tapi kalak si bujur meriah kapna mere janah la pelit.+
27 Persembahen kalak jahat erban ciga ate,+Apai ka adi berekenna alu tujun si jahat!*
28 Saksi si erbual kernep pagi,+Tapi saksi si ngataken kai si begina berhasil pagi.
29 Kalak jahat banna dirina gelah terteki,+Tapi dalan kalak bujur nge si aman.+
30 La lit kepentaren, pengertin, ntah pe nasehat situhu-tuhu adi erlawanen ras Jahwe.+
31 Kuda isikapken guna wari peperangen,+Tapi keselamaten rehna arah Jahwe nari.+
Cataten i teruh
^ Ntah “perukuren.”
^ Ntah “runtung.”
^ Ntah banci saja “man kalak si mate tena.”
^ Ntah “si pet mandangi.”
^ Taneh si mbelang si jarang iingani.
^ Ntah “si pet mandangi.”
^ Ntah “adi radu ras perbahanen si man kemelanken!”
