Kuan-kuanen 23:1-35
23 Sanga man kam ras raja,Perdiatekenlah situasina.
2 Amin pe merhat kel kam manca,Kendaliken dirindu.
3 Ula kam merhat panganna si entabeh,Gelah ula kam tertipu perban pangan e.
4 Ula latihi bandu ndarami kebayaken,+Ngadilah kam janah cidahken pengertinndu.*
5 E denga pe idahndu kebayaken e, lanai ia i je,+Sebap pasti pagi kimbangkenna kabengna bagi kuliki, jenari kabang ia ku langit.+
6 Ula pan pangan kalak si pelit,Ula kam merhat panganna si entabeh,
7 Sebap kalak si bage, kalak si perhitungen kap.
Nina man bandu, “Manken, minemken,” tapi situhuna labo arah pusuhna.
8 Utahkenndu pagi kerina si enggo panndu,Sia-sia pagi kerina pujinndu.
9 Ula kam ngerana man kalak bodoh,+Perban labo pagi ergaina kata-katandu si pentar.+
10 Ula pindahken tanda batas si enggo lit mbarenda nari,+Ula rampas juma anak si la erbapa.
11 Sebap Si Mbela* kalak e megegeh,BelaNa pagi kalak e guna ngelawan kam.+
12 Ajarkenlah pusuhndu,Begikenlah ranan si pentar.
13 Ula kam mbiar ndisiplin anakndu.*+
Ligasndu pe ia, labo ia mate.
14 Pekpeklah ia alu perligas,Guna nelamatken ia arah Kuburen.*
15 Nakku, adi pentar kam,Meriah pagi ukurku.+
16 Sanga katakenndu kai si benar,Tuhu-tuhu meriah ukurku.
17 Ula atendu cian man kalak perdosa,+Tapi mbiarlah man Jahwe gedang-gedang wari.+
18 Alu bage cerah pagi masa depanndu+Janah la pagi bene arapenndu.
19 O Nakku, pentarlah kam,Janah sikapkenlah pusuhndu erdalan bas dalan si benar.
20 Ula ersada ras kalak si mbuesa minem anggur,+Ntah pe si rangap man daging,+
21 Sebap kalak si rangap ras pemabuk, mesera pagi dungna,+Janah kalak si medem atena lalap, merigat-rigat pagi bajuna.
22 Begikenlah bapakndu si erban kam lahir,Janah ula remehkenndu mamakndu sanga ia enggo metua.+
23 Tukurlah* kebenaren, kepentaren, ajaren, ras pengertin,+Janah ula pernah dayaken.+
24 Bapak kalak si benar pasti pagi ermeriah ukur,Bapak anak si pentar ermeriah ukur pagi perban anakna e.
25 Ermeriah ukur pagi bapakndu ras mamakndu,Ermeriah ukur pagi diberu si ngelahirken kam.
26 Nakku, begiken min aku alu bulat ukurndu,Mbera-mbera meriah ukurndu bas dalan-dalanku.+
27 Sebap pelacur bali bagi lubang si mbages.
Janah diberu si gutul* bali bagi sumur si sempit.+
28 Cebuni ia guna nyerang bali bagi perampok,+Reh buena ibanna kalak si la setia.
29 Ise si susah? Ise si kuatir?
Ise si rubati? Ise si mengeluh?
Ise si terluka tapi la lit sebapna? Ise si megara matana?*
30 Eme kalak si kerikenna waktuna guna minem anggur,+Kalak si ndarami* anggur campuren.
31 Ula tatapndu anggur amin pe megara warnana,Sanga erndilap ia bas cangkir janah entabeh nanamna,
32 Sebap dungna nagut ia bali bagi nipe,Janah semburkenna racunna bali bagi nipe si erbisa.
33 Idahndu pagi kai si aneh,Janah pusuhndu erban kam ngukuri kai si salah.+
34 Bali pagi kam bagi kalak si medem i tengah laut,Bali bagi kalak si medem i datas tiang kapal.
35 Nindu me pagi, “Pekpek kalak aku, tapi la kugejap.*
Entam kalak aku, tapi la kuinget.
Ndigan nge aku medak+Gelah kudarami ka inemen?”
Cataten i teruh
^ Ntah banci saja “Ula nai pake pengertinndu.”
^ As. “Si Nebus.”
^ Ntah “anak-anak; remaja.”
^ Ntah “Datkenlah.”
^ Ntah “si kabur matana.”
^ Ntah “si pulung guna ncubaken.”
^ Ntah “la kuakap mesui.”
