Kuan-kuanen 24:1-34
24 Ula cian atendu man kalak jahat,Janah ula erteman ras kalak e,+
2 Perban si ukuri kalak e eme kejahaten,Janah si cakapken kalak e eme kerna masalah.
3 Alu kepentaren rumah* ibangun,+Janah paguh rumah e alu pengertin.
4 Perban pemeteh, dem me kamar-kamarnaAlu barang-barang si merga ras si mejile.+
5 Kalak si pentar megegeh kap,+Janah pemeteh erban ia reh gegehna.
6 Ikutkenlah petunjuk si mehuli sanga erperang,+Janah adi melala penasehat, dat me kemenangen.*+
7 Kalak bodoh la ngasup ndatken kepentaren situhu-tuhu.+
La lit kai pe si banci katakenna bas gerbang kota.
8 Ise pe si ngerencanaken kejahaten,Igelari pagi ia kalak si ahli bas kejahaten.+
9 Rencana si bodoh dosa kap,Janah kalak si nggit nokoh segat ate kalak.+
10 Adi bene semangatndu sanga lit masalahndu,Gegehndu pe reh kurangna.
11 Selamatkenlah kalak si nandangi ibunuh,Janah ambati kalak si erdalan mbewat-mbewat ku ingan penggelehen.+
12 Adi nindu, “La kap teh kami kerna si e,”
La kin Ia si mereksa pusuh* meteh kerna si e?+
Payo, Ia si mperdiateken kam tehNa kerna si e,Janah balasNa tiap kalak menurut perbahanenna.+
13 O Nakku, panlah madu sebap e erguna man bandu,Madu asli ntebu nanamna.
14 Bage ka pe, kepentaren erguna man bandu.+
Adi datndu kepentaren e, cerah pagi masa depannduJanah la pagi bene arapenndu.+
15 Ula kam bagi kalak jahat si cebuni guna nyerang i deher rumah kalak bujur,Ula hancurken inganna istrahat.
16 Sebap amin pe kalak bujur ndabuh pitu kali, tapi keke ia mulihi,+Tapi kalak jahat lalap ndabuh perban kena cilaka.+
17 Sanga ndabuh musuhndu, ula meriah ukurndu,Sanga tertuktuk ia, ula meriah akapndu.+
18 Gelah ula idah Jahwe kerna si e janah la meriah ukurNa,Janah lanai Ia merawa man bana.*+
19 Ula segat atendu* man kalak jahat,Ula cian atendu man kalak jahat.
20 Perban labo lit masa depan kalak jahat,+Lampu kalak jahat imateken pagi.+
21 O Nakku, mbiarlah man Jahwe bage pe man raja.+
Janah ula erteman ras kalak si mberontak,+
22 Sebap rempet pagi reh kehancuren kalak e.+
Ise pagi si metehsa kehancuren si uga si iberekenna duana?*+
23 Kata-kata enda pe arah kalak si pentar:
La mehuli adi erpilihen sanga ngadili.+
24 Ise pe si ngataken man kalak jahat, “Kam kalak bujur,”+
Sumpahi kalak pagi ia janah ipandangi bangsa-bangsa.
25 Tapi kalak si mpersingeti ia, makmur pagi,+Janah alokenna pagi pasu-pasu.+
26 Kalak si njawap alu jujur, iergai pagi.*+
27 Sikapkenlah dahinndu, dungi kerina dahinndu bas juma,Kenca si e bangun rumahndu.*
28 Ula kam jadi saksi ngelawan kalak si deban adi la lit dasarna.+
Ula kam ngerana guna nipu kalak.+
29 Ula kataken, “Kuban pagi man bana bagi si banna man bangku,Kubalas pagi perbahanenna e.”+
30 Lewat aku arah juma kalak si perkisat,+Arah kebun anggur kalak si la rukur.
31 Kuidah enggo peren kel juma e,Janah dem peren duri,Pagar batuna pe enggo runtuh.+
32 Kuperdiateken janah kuukuri alu manjar-anjar,Kuidah si e janah enda me pelajaren si kudat:
33 Medem ntisik, madat ntisik,Lipat tan guna istrahat ntisik,
34 Rempet pagi kam mesera, bagi iserang perampok,Rempet kam kekurangen, bagi irampok kalak si ersenjata.+
Cataten i teruh
^ Ntah “rumah tangga.”
^ Ntah “keberhasilen; keselamaten.”
^ Ntah “perukuren.”
^ Maksudna, musuh.
^ Ntah “Ula emosi.”
^ Maksudna, Jahwe ras raja.
^ Ntah banci saja “Njawap alu terus terang bali bagi ngema.”
^ Ntah “rumah tanggandu.”
