Kuan-kuanen 26:1-28
26 Bagi salju bas musim perlego ras udan bas musim rani,Bage me kemulian la cocok man kalak si motu.+
2 Bagi perik kiam perban lit alasenna janah perik layang-layang kabang perban lit alasenna,Bage me sumpah, iban perban lit alasenna.*
3 Cambuk ipake man kuda, nali kekang ipake man kelede,+Janah tongkat man gurung kalak si motu.+
4 Ula jawap kalak motu menurut kata-katana si motu,Gelah la kam seri ras ia.
5 Jawaplah kalak si motu menurut kata-katana si motu,Gelah la iakapna ia pentar.+
6 Bagi kalak si banna nahena cacat ras cilakaina bana,Bage me kalak si percayakenna sada persoalen man kalak si motu.
7 Bagi nahe kalak si pincang,Bage me kuan-kuan bas babah kalak motu.+
8 Bagi batu si iiket bas nali si iban arah kulit,*Bage me kemulian adi ibereken man kalak motu.+
9 Bagi sinuan-sinuan si erduri bas tan pemabuk,Bage me kuan-kuan bas babah kalak motu.
10 Bagi pemanah si ngelukai ise pe,Bage me kalak si nuruh kalak motu erdahin ntah pe nuruh kalak si rembang lewat.
11 Bagi biang si mulihken ku utahna,Bage me kalak motu si ngulihi kemotunna.+
12 Pernah kin idahndu kalak si pentar akapna bana?+
Ndauh buen arapen man kalak motu asangken man bana.
13 Nina kalak perkisat, “Lit singa si nguda denga i dalan!
Lit singa bas dalan!”+
14 Bagi engsel pintu si erputar,Bage me kalak perkisat bas ingan medemna.+
15 Kalak perkisat namaken tanna ku mangkok pangan,Tapi nulangkenca ku babahna pe latihsa akapna.+
16 Kalak perkisat pentaren akapna banaAsangken pitu kalak si mereken jawapen si masuk akal.
17 Bagi nagangi cuping biang alu pelcik,Bage me kalak si ikut campur bas perubaten kalak si deban.+
18 Bagi kalak adon si nembakken panah, panah api, ras panah si banci munuh,
19 Bage me kalak si nipu kalak si deban janah nina, “Main-mainku nge ndai!”+
20 Adi la lit kayu, mate me api,Adi la lit tukang pitnah, perubaten pe ngadi.+
21 Bagi arang guna bara api janah kayu guna api,Bage me kalak si nggit rubati erban perubaten.+
22 Ranan tukang pitnah bagi pangan si entabeh.
Mis bendut kalak janah masuk ku beltekna.+
23 Bagi pirak si ngelapisi pecahen kudin taneh,Bage me cakap manis arah pusuh si jahat.+
24 Kalak si rate segat man kalak si deban, bunikenna si e alu rananna,Tapi simpanna tipun bas pusuhna.
25 Amin pe ia mekacar, ula kam tek man bana,Sebap lit pitu si erban ciga ate bas pusuhna.*
26 Amin pe bunikenna atena segat e alu tipun,Tereteh nge pagi kejahatenna i bas perpulungen.
27 Ise si ngkurak lubang man kalak si deban, ia pagi si ndabuh ku bas,Ise si nggulingken batu, ia ka pagi si tindihi batu e.+
28 Kalak si perbual segat atena kalak si bualina,Janah ranan si muji-muji erban hancur.+
Cataten i teruh
^ Ntah banci saja “sumpah si la lit dasarna labo banci terjadi.”
^ Ntah “Sebap pusuhna dem alu kai si erban ciga ate.”
