Kuan-kuanen 29:1-27
29 Kalak si mekeng amin pe enggo rusur ipersingeti,+Hancur pagi janah lanai terpepalem.+
2 Adi enterem kalak bujur, ermeriah ukur kalak,Tapi adi kalak jahat si merentah, mengeluh kalak.+
3 Kalak si ngena atena kepentaren, erban bapakna ermeriah ukur,+Tapi kalak si lalap erteman ras pelacur, mpekeri-keri kebayakenna.+
4 Raja si merentah alu adil erban negrina tetap paguh,+Tapi kalak si ngaloken sogok si erbanca hancur.
5 Kalak si muji-muji kalak si deban,Sangana erban jerat bas nahena.+
6 Kesalahen kalak jahat jadi jerat man bana,+Tapi kalak bujur ersurak alu ermeriah ukur.+
7 Kalak bujur ermediate man hak kalak mesera,+Tapi kalak jahat la diatena kerna si e.+
8 Kalak si tual ngerana erban merawa sada kuta,+Tapi kalak si pentar erban lanai merawa.+
9 Adi kalak pentar erjengil ras kalak motu,Lit pagi si ngamuk ras si ngejek janah labo lit kepuasen.+
10 Pembunuh segat atena kalak si la ersalah,+Janah bunuhna atena kalak si bujur.*
11 Kalak si motu cidahkenna kerina perasanna,+Tapi kalak si pentar tetap ia tenang.+
12 Adi begiken penguasa kai si la tuhu,Kerina pelayanna jadi kalak jahat.+
13 Lit perserina kalak si mesera ras si nindas eme:
Jahwe si mere terang ku mata kalak e duana.*
14 Adi adil raja sanga ngakimi kalak si mesera,+Tetap pagi paguh tahtana.+
15 Hukumen* ras persinget ngasilken kepentaren,+Tapi anak si la iawasi, mpermelaken mamakna.
16 Sanga kalak jahat reh buena, kesalahen pe reh buena,Tapi idah kalak bujur pagi perdabuh kalak e.+
17 Ajarilah anakndu gelah tenang pagi banna geluhndu,Janah ia pagi si erban meriah kel ukurndu.+
18 Adi la lit petunjuk arah Dibata,* kalak lanai banci iatur,+Tapi ermeriah ukur pagi kalak si patuh man undang-undang.+
19 Sekalak budak labo nggit ipersingeti alu kata-kata,Sebap amin pe angkana, labo ia nggit patuh.+
20 Pernah nge idahndu kalak si la ukurina kai si katakenna?+
Buen arapen man kalak motu asangken man bana.+
21 Adi sekalak budak imanjaken kitik-kitik nari,Dungna lanai pagi tehna ngata bujur.
22 Kalak si nukah merawa mpeturah perubaten,+Ise pe si nukah naik darehna erban melala kesalahen.+
23 Sipat sombong erban kalak irendahken,+Tapi si meteruk rukur ndatken kemulian pagi.+
24 Teman sekalak pinangko segat atena bana.
Banci jadi ilebuh ia guna ersaksi, tapi la katakenna kai pe.+
25 Mbiar man manusia jerat kap,+Tapi kalak si tek man Jahwe ilindungi pagi.+
26 Enterem kalak si merhat jumpa ras* sekalak penguasa,Tapi keadilen idat kalak arah Jahwe nari.+
27 Kalak si la adil, ciga ate kalak si bujur,+Tapi kalak si bujur perbahanenna, ciga ate kalak jahat.+
Cataten i teruh
^ Ntah banci saja “Tapi kalak bujur usahakenna ngelindungi geluhna.”
^ Maksudna, berekenNa kegeluhen man kalak e.
^ As. “Tongkat.”
^ Ntah “la lit ketangkasen.” As. “la lit pengenehenen.”
^ Ntah banci saja “merhat muat ukur.”
