Kuan-kuanen 30:1-33
30 Pesan penting si isina kata-kata Agur anak Jake, si pesehna man Itiel, man Itiel ras Ukal.
2 Ndauh aku bodohen asangken ise pe,+La lit pengertinku si arusna lit bas manusia.
3 Lenga kupelajari kerna kepentaren,Janah la lit pemetehku kerna Dibata Si Badiana.
4 Tehndu nge: Ise si enggo nangkih ku surga kenca si e nusur ka?+
Ise si pernah mpepulung angin bas tanna?
Ise si pernah mbungkus lau bas bajuna?+
Ise si netapken kerina ujung doni?+
Ise gelarna? Ise gelar anakna?
5 Badia kap kerina si kataken Dibata.+
Ia kap perisai* man kalak si erlindung man baNa.+
6 Ula tambahindu kai pe bas kata-kataNa,+Gelah ula kam persingetiNa,Janah kam jadi perbual.
7 Si dua enda me si kupindo man baNdu.
La lit si deban selain si e si kuarapken segedang geluhku.
8 Pedauhlah kai si la tuhu bage pe bual arah aku nari.+
Ula min pediat aku mesera ntah pe bayak.
Pediatlah kupan pangan si kuperluken saja,+
9 Gelah ula aku besur janah lanai Kam kuakui, ningku, “Ise kin Jahwe?”+
Ula pediat aku mesera janah dungna nangko, si erban gelar Dibataku la ihamati.
10 Ula pitnahndu sekalak budak i lebe-lebe tuanna,Gelah la sumpahina kam janah ersalah kam.+
11 Lit keturunen si numpahi bapakna,Janah la hamatina mamakna.+
12 Lit keturunen si bersih akapna bana,+Tapi situhuna lenga ia ibersihken arah kai si najis.*
13 Lit keturunen si seh kel sombongna,Janah sombong kel ia man kalak si deban!+
14 Lit keturunen si ntelap ipenna bali bagi pedang,Lit si ntelap rahangna bali bagi piso penggeleh,Kernepkenna kalak si lemah bas doniBage pe kalak mesera i tengah-tengah manusia.+
15 Lit dua anak lintah diberu, serko ia nina, “Enta! Enta!”
Lit telu si la pernah puas,Janah empat si la pernah ngataken, “Bias!”
16 Eme Kuburen*+ ras rahim diberu si mandul,Taneh si kurang lau,Bage pe api si la pernah ngataken, “Bias!”
17 Kalak si nokohi bapakna ras ngelawan mamakna,+Ndarat pagi matana itagut burung gagak si reh arah lembah* nari,Janah ipan anak-anak kuliki pagi.+
18 Lit telu si la kuangkai,*Janah empat si la kuteh ertina:
19 Cara kuliki kabang i langit,Cara nipe erdalan bas gunung batu,Cara kapal erlayar bas laut si mbelang,Bage pe perbahanen sekalak dilaki sanga ia ras sekalak singuda-nguda.
20 Bagenda me perbahanen diberu perlua-lua:
Man ia, elapna babahna,Kenca si e, nina, “Labo lit kulakoken si salah.”+
21 Lit telu si erban doni mugur-ugur,Janah empat si la banci tahanna:
22 Sanga sekalak budak merentah jadi raja,+Sanga kalak bodoh ndatken melala pangan,
23 Sanga sekalak diberu si la ate keleng* iban jadi ndehara,Bage pe sanga budak si diberu nggantiken tuanna si diberu.+
24 Lit empat binatang si kitikna i doni,Tapi seh kel pentarna:+
25 Perkis labo binatang si megegeh,Tapi sikapkenna panganna bas musim perlego.+
26 Menci gunung*+ labo binatang si megegeh,Tapi banna rumahna i tebing batu.+
27 Labang+ la lit rajana,Tapi banci kalak e erbaris alu ratur.+
28 Tokek+ banci erdalan i dingding tapi la ndabuh,Masuk ia ku istana raja.
29 Lit telu si luar biasa siakap ngidahsa,Empat si luar biasa perdalanna:
30 Singa eme binatang si megegehna arah kerina binatang,La ia mbiar kai pe.+
31 Biang perburu, kambing jantan,Bage pe raja si itemani pasukenna.
32 Adi perban motundu maka peganjangndu bandu,+Ntah rencanakenndu ngelakokenca,Tutuplah babahndu janah sinikken.+
33 Sebap bagi susu si ikocok ngasilken mentega,Janah igung si ipecek ndarat me dareh,Bage me rawa si ipancing erban perubaten.+
Cataten i teruh
^ Ntah “ampang-ampang.”
^ As. “arah kotorenna.”
^ Ntah “si luar biasa kel kuakap.”
^ Ntah “si segat ate.”
^ Binatang si mirip bagi marmut si galang, la lit ikurna, janah tading i daerah si erbatu-batu.