Kuan-kuanen 31:1-31
31 Kata-kata Raja Lemuel, pesan penting si bereken mamakna guna ngajarken ia:+
2 O Nakku, anak si kulahirken,Anak si kudat perban janjiku,+Enda si kukataken ateku man bandu:
3 Ula keriken gegehndu man diberu,+Janah ula ikutken dalan si erban raja-raja hancur.+
4 O Lemuel, si e la cocok man raja-raja,Raja-raja la cocok minem anggur,Janah penguasa la cocok ngataken, “I ja inemenku?”+
5 Gelah la kalak e minem janah lupa ia kerna kai si enggo itetapken,Janah la perdiatekenna hak kalak mesera.
6 Bereken inemen si lit alkoholna man kalak si nandangi kernep,+Janah inemen anggur man kalak si latih kapna rukur.+
7 Pediatlah kalak e minem janah lupakenna pergeluhna si mesera,Janah pediat lupakenna masalahna.
8 Ngeranalah guna mbela kalak si la ngasup mbela dirina,Bela hak kalak si nandangi mate.+
9 Ngeranalah janah hakimi alu adil.
Bela hak* kalak si lemah ras kalak si mesera.+
א [Alep]
10 Ise si banci ndatken ndehara si mehuli?*+
Ndehara si mehuli ndauh ergan asangken batu si merga arah laut nari.*
ב [Bet]
11 Tek kel perbulangenna man bana,Janah la ia kurang kai pe.
ג [Gimel]
12 Segedang geluhna,Lalap mehuli perbahanenna man dilakina, la pernah lakokenna si jahat.
ד [Dalet]
13 Pepulungna wol ras linen.
Meriah kapna erdahin.+
ה [He]
14 Ia bagi kapal-kapal pedagang,+Si maba panganna arah ingan si ndauh.
ו [Waw]
15 Gelap denga pe wari enggo medak ia,Sikapkenna pangan man keluargana,Janah berekenna bagin pelayan-pelayanna si diberu.+
ז [Zayin]
16 Ukurina kerna sada juma janah tukurna.
Banna kebun anggur arah hasil kerja kerasna.*
ח [Het]
17 Ersikap ia guna kerja keras,+Janah pegegehina tanna.
ט [Tet]
18 Idahna usahana runtung.
Lampuna la mate sanga berngi.
י [Yod]
19 Buatna kayu penggulung,Janah tagangina alat pemintal.*+
כ [Kap]
20 Sampatina kalak si merluken penampat,Janah nggit ia mere ku kalak mesera.+
ל [Lamed]
21 Sanga musim mbergeh, la ia perlu kuatir man keluargana,Sebap kerina keluargana enggo make baju panas.
מ [Mem]
22 Ia si erban seprei man ingan medemna.
Bajuna arah linen nari ras arah wol ungu.
נ [Nun]
23 Dilakina itandai selaku kalak bujur bas gerbang-gerbang kota,+I je dilakina kundul ras peminpin-peminpin negri e.
ס [Samek]
24 Banna baju-baju* arah kain linen jenari dayakenna,Dayakenna ikat pinggang man perbinaga.
ע [Ayin]
25 Ia perpang janah ihamati kalak,La ia kuatir kerna wari si pepagi.
פ [Pe]
26 Pentar ia ngerana.+
Sanga suruhna kalak, mehuli ia ngerana.
צ [Tsade]
27 Awasina pendahin bas rumah tanggana,La kel ia perkisat.+
ק [Qop]
28 Tedis anak-anakna janah puji kalak e ia.
Tedis dilakina janah pujina ia.
ר [Res]
29 Melala diberu si mehuli,*Tapi kam, ulin asangken kalak e kerina.
ש [Syin]
30 Penampilen la terteki, janah rupa mejile banci saja bene,+Tapi diberu si mbiar man Jahwe ipuji pagi.+
ת [Taw]
31 Upahilah kai si enggo lakokenna,+Janah pediatlah ia ipuji bas gerbang-gerbang kota perban perbahanenna.+
Cataten i teruh
^ Ntah “perkara.”
^ Batu si merga e maksudna koral.
^ Ntah “si luar biasa.”
^ Ntah “arah penghasilenna.”
^ Kayu penggulung ras alat pemintal ipake guna erban benang.
^ Ntah “paken dalam.”
^ Ntah “luar biasa.”
