Kuan-kuanen 4:1-27
4 O anak-anakku, begikenlah disiplin arah bapak,+Perdiatekenlah gelah dat kena pengertin,
2 Sebap kubereken pagi nasehat si mehuli man kena,Perdiateken min si kuajarken.+
3 Aku anak si mehuli akap bapakku+Janah anak kesayangen mamakku.+
4 Ajari bapak aku janah nina, “Tamakenlah kata-kataku ku bas pusuhndu.+
Patuhilah perentah-perentahku gelah terus kam nggeluh.+
5 Datkenlah kepentaren, datkenlah pengertin.+
Ula kam lupa janah ula kam nilah arah kai si kukataken.
6 Ula tadingken kepentaren gelah lindungina pagi kam.
Kelengilah e janah e pagi si njaga kam.
7 Kepentaren kap si pentingna,+ emaka datkenlah kepentaren,Janah arah kerina si datndu, datken ka pengertin.+
8 Ergailah kepentaren gelah peganjangna pagi kam.+
Banna pagi kam ihamati perban cikepndu ia alu pelcik.+
9 Banna pagi hiasen si mejile i takalndu,Hiasina pagi kam alu mahkota si mejile.”
10 O Nakku, begikenlah, ikutkenlah kai si kukataken,Gelah gedang umurndu.+
11 Aku pagi si mabai kam bas dalan kepentaren,+Aku pagi si mabai kam bas dalan si benar.+
12 Sanga erdalan kam, la lit si ngambati langkahndu,Sanga kiam kam, la lit si erban kam tertuktuk.
13 Alokenlah disiplin si ibereken man bandu, ula tadingken e.+
Ingetlah kai si enggo pelajarindu, sebap e kap kegeluhenndu.+
14 Ula kam lawes ku dalan kalak jahat,Ula kam erdalan bas dalan kalak jahat.+
15 Ula deheri dalan kalak jahat janah ula kam lewat je nari,+Nilah kam je nari janah terusken perdalanndu.+
16 Sebap kalak e la banci medem adi lenga erban si jahat.
La madat matana adi lenga cilaka banna kalak si deban.
17 Kejahaten bali akap kalak e bagi roti,Janah kekerasen bali kapna bagi anggur.
18 Tapi dalan kalak benar bagi terang erpagi-pagi,Si reh dekahna reh terangna seh ku ciger wari.+
19 Dalan kalak jahat bagi kegelapen,La tehna kai si erban ia tertuktuk.
20 O Nakku, perdiateken min kata-kataku,Tutus min atendu megiken kata-kataku.
21 Ula lupaken kerina e,Simpanlah kerina e bas pusuhndu.+
22 Sebap kegeluhen kap e man kalak si ndatkenca+Janah sehat banna dagingna.
23 Arah kerina si arus ijaga, si pentingna jagalah pusuhndu,+Sebap pusuhndu kap si nentuken geluhndu.
24 Pedauhlah kata-kata si licik arah kam nari,+Janah pedauhlah kata-kata si nipu arah kam nari.
25 Arus pinter tatapndu ku lebe,Pinterlah ban pengenenndu ku lebe.+
26 Ratakenlah* dalan si man dalanenndu,+Janah paguh pagi kerina dalan-dalanndu.
27 Ula kam nilah ku kanan ntah pe ku kiri.+
Pedauhlah nahendu arah kai si jahat.
Cataten i teruh
^ Ntah banci saja “Tutuslah tendu mperdiateken.”
