Kuan-kuanen 5:1-23
5 O Nakku, perdiateken min kata-kataku si pentar.
Tutuslah atendu megiken pengertin si kuajarken,+
2 Gelah banci jagandu kengasupen rukurnduRas mbera-mbera lalap katakenndu kai si benar.+
3 Sebap diberu penggoda* manis cakapna bagi madu,+Janah rananna daliten asangken minak.+
4 Tapi dungna pagiten ia asangken sinuan-sinuan si pagit,+Janah telapen asangken pedang si dua babahna.+
5 Nahena erdalan ku kematen.
Perdalanna nuju ku Kuburen.*
6 La ia erdalan i bas dalan si nuju ku kegeluhen.
La tehna tujunna janah la tehna ku ja atena.
7 Emaka o anak-anakku, begiken min akuJanah ula lupaken kai si kukataken.
8 Ula deheri ia,Ula deheri pintu rumahna,+
9 Gelah ula rendah akap kalak kam+Ras la pagi akapndu susah ndalani geluhndu,+
10 Gelah ertandu* la irampas kalak asing+Janah hasil kerja kerasndu la pindah ku rumah kalak asing.
11 Adi lang, rate mesui pagi kam bas pendungi geluhnduSanga enggo keri gegehndu ras dagingndu.+
12 Janah nindu, “Engkai maka mbarenda segat ateku disiplin?
Engkai maka pusuhku la ngaloken persinget?
13 La kuperdiateken kalak si ngajari aku,La kuperdiateken guru-guruku.
14 Menam-menam aku hancurJanah mela kuakap i lebe-lebe umat Dibata.”+
15 Inemlah laundu sendiriBage pe lau si segar arah sumurndu sendiri.+
16 Arus kin mata laundu mambur ku daratJanah mata laundu mambur ku lapangen?+
17 Pediatlah lau e man bandu saja,Labo man kalak asing si lit ras kam.+
18 Mbera-mbera mata laundu ipasu-pasu,Mbera-mbera meriah ukurndu ras diberu si empoindu paksa ngudandu,+
19 Ia bali bagi rusa beruna si mejile, bagi kambing gunung si mejile,+Mbera-mbera dadana erban kam puas,Mbera-mbera lalap kam itaban atena ngena.+
20 Emaka engkai maka nggit denga kam tergoda man diberu penggoda?*
Janah dakepndu dada diberu si gutul?*+
21 Sebap idah Jahwe kap dalan-dalan manusia,Janah perdiatekenNa kerina lagu langkahna.+
22 Kalak jahat terjebak bas kesalahenna sendiri,Janah terjerat pagi ia iban nali-nali dosana.+
23 Mate pagi ia perban la alokenna disiplin,Janah papak ia perban seh kel motuna.
Cataten i teruh
^ Ntah “gegehndu.”