Kuan-kuanen 6:1-35
6 O Nakku, adi berendu jaminen guna kalak si deban,+Janah banndu perjanjin* ras kalak si la tandaindu,+
2 Adi terjebak kam iban janjindu e,Janah terjerat kam perban si katakenndu e,+
3 Nakku, lakokenlah bagenda janah bebasken bandu,Sebap kam enggo bas kuasa kalak si deban,Laweslah ndahi ia janah peteruk bandu, ras pindolah gelah mekuah atena kam.+
4 Ula pediat matandu tertunduh,Ula pediat matandu terpedem.
5 Bebasken bandu bali bagi kijang arah tan perburu,Bali bagi perik arah tan si nangkap perik.
6 O kalak perkisat, nenlah perkis,+Perdiatekenlah carana nggeluh janah pentarlah kam.
7 Amin pe la lit peminpinna, mandorna, ntah pe penguasana,
8 Sikapkenna pangan sanga musim perlego,+Janah pepulungna persedian pangan sanga musim rani.
9 O perkisat, ngasa ndigan kam medem-medem saja?
Ndigan kam medak?
10 Medem ntisik, madat ntisik,Lipat tan guna istrahat ntisik,+
11 Rempet pagi kam mesera, bagi iserang perampok,Rempet kam kekurangen, bagi irampok kalak si ersenjata.+
12 Kalak jahat ras kalak si la erguna erdalan ku jah ku je janah ncakapken si la tuhu,+
13 Kirepkenna matana,+ banna tanda alu nahena ras nuduh-nuduh ia alu jari-jarina.
14 Bas pusuhna si licik,Lalap banna rencana si jahat+ janah i japa pe banna perubaten.+
15 Perban si e, rempet pagi ia kena bencana,Rempet ia hancur janah lanai banci ipepalem.+
16 Lit enem si segat ate Jahwe,Pitu si ciga ateNa:
17 Pengenen mata si sombong,+ dilah perbual,+ tan si munuh kalak si la ersalah,+
18 Pusuh si erban rencana jahat,+ nahe si kiam guna ngelakoken si jahat,
19 Saksi palsu si lalap erbual,+Bage pe kalak si erban perubaten i tengah-tengah kalak si ersenina.+
20 O Nakku, patuhilah perentah bapakndu,Ras perdiatekenlah si iajarken mamakndu.+
21 Tamakenlah e ku bas pusuhndu,Iketkenlah bas kerahungndu.
22 Sanga erdalan kam, babaina kam,Sanga medem kam, jagaina kam,Sanga medak kam, ajarina kam.
23 Sebap perentah eme kap lampu,+Undang-undang eme kap terang,+Janah persinget si erguna eme kap dalan ku kegeluhen.+
24 Kerina e njagai kam pagi arah diberu si jahat,+Arah godan diberu si gutul.*+
25 Ula kam tergoda perban jilena,+Ula kam tergoda iban matana si menggoda,
26 Gara-gara diberu pelacur, sada roti nari ngenca tading bas sekalak dilaki,+Janah iban diberu e pagi bene geluhna.
27 Banci kin tama kalak api bas dadana tapi la meseng bajuna?+
28 Ntah banci kin sekalak jelma erdalan i datas rara tapi la meseng nahena?
29 Bage ka me kalak si erhubungen ras diberu kalak si deban,Ise pe si erhubungen seks ras diberu e pasti ihukum.+
30 Pinangko labo hina kalakAdi nangko ia perban melihe.
31 Tapi adi tereteh, arus galarina ganti rugi pitu kali lipat,Kerina barang si merga si lit bas rumahna arus berekenna.+
32 Ise pe si erlua-lua ras sekalak diberu, motu kap ia,Kalak si ngelakoken si bage ncedai bana.+
33 Susah ia perban penakit janah la iergai,+Janah rasa lalap akapna mela.+
34 Perasan cemburu erban sekalak perbulangen merawa,Sanga banna pembalasen, sitik pe la atena mekuah.+
35 La ia nggit ngaloken ganti rugi* kai pe,La ia nggit itami-tami amin pe ibereken melala hadiah.
