Kuan-kuanen 7:1-27
7 O Nakku, ikutkenlah kai si kukataken,Janah ergailah perentah-perentahku.*+
2 Dalankenlah perentah-perentahku gelah gedang umurndu,+Jagailah ajarenku bagi njagai matandu.
3 Iketkenlah e bas jari-jarindu,Janah tuliskenlah e bas pusuhndu.+
4 Kataken man kepentaren, “Kam kap kakakku,”
Janah kataken man pengertin, “Kam kap keluargaku,”
5 Kerina e njagai kam pagi arah diberu penggoda,*+Bage pe arah godan diberu si gutul* si manis rananna.+
6 Arah jendela rumahku,Arah celah-celahna, kunen ku teruh.
7 Sanga kuperdiateken kalak si la erpengalamen,Kuidah sekalak dilaki si la erpengalamen i tengah-tengah anak muda.+
8 Lewat ia arah dalan ku rumah diberu e,Janah erdalan ia ku arah rumah diberu e
9 Sanga karaben, sanga terbenam matawari,+Sanga nandangi gelap ras sanga berngi.
10 Jenari kuidah sekalak diberu njumpai ia,Peruisna bagi paken pelacur+ janah licik pusuhna.
11 Diberu e melala cakapna ras keras kepala.+
La pernah ia i rumah.*
12 Mon-mon i darat ia, mon-mon i lapangen.
Nimai ia bas tiap tekongen.+
13 Dakepna anak perana e janah emana,La tehsa mela, nina,
14 “Arus kubereken korban persadan.+
Enggo kutepati janjiku wari enda.
15 Emaka ndarat aku njumpai kam,Ndarami kam, janah dungna jumpa aku ras kam!
16 Enggo kukimbangken seprei si mejile,Uis linen si warna-warni arah Mesir nari.+
17 Enggo kupirpiri mur, gaharu, ras kayu manis i datas ingan medemku.+
18 Ota ersenang-senang kita seh ngasa erpagi-pagi,Ota sipuasken ateta ngena,
19 Sebap dilakiku sangana la i rumah,Sangana ia lawes ndauh.
20 Enggo babana sen sada tas,Janah labo ia mulih seh ngasa bulan purnama.”
21 Tipuna anak perana e alu ranan si menggoda,+Godana anak perana e alu cakap manisna.
22 Mis ikuti anak perana e ia, bagi lembu si nandangi igeleh,Bagi kalak motu si nandangi ipasung,+
23 Seh ngasa anak panah tembus ku bas atena,Bagi perik si kabang kena siding, la tehna nandangi bene kesahna.+
24 Emaka anak-anakku, begiken aku,Perdiateken kai si kukataken.
25 Ula pediat pusuhndu ngikutken dalan diberu e.
Ula kam lawes ku dalanna,+
26 Sebap melala kalak si banna terbunuh,+Janah melala kalak si enggo bunuhna.+
27 Lawes ku rumahna bagi lawes ku Kuburen,*Lawes ku je bagi lawes ku kematen.