Kuan-kuanen 8:1-36
8 Kepentaren terus erlebuh,Pengertin terus erlebuh.+
2 Tedis ia i puncak-puncak bukit,+I tepi dalan bage pe i persimpangen.
3 I samping pintu gerbang kota,I pintu-pintu masuk,Terus ia serko,+ nina,
4 “O manusia, erlebuh aku man kena,Erlebuh aku man kerina kalak.
5 O kalak si la erpengalamen, cerdiklah kam.+
O kalak motu, datkenlah pusuh si erpengangka.
6 Begikenlah, sebap si kukataken e penting,Janah si kukataken e benar,
7 Sebap kukusikken kebenaren,Janah segat ateku kai si jahat.
8 Kerina kata si kubelasken benar kap.
La lit sada pe si la tuhu ntah pe nipu.
9 Kerina si kukataken nukah angkai kalak si lit pengertinna,Janah benar akap kalak si lit pemetehna.
10 Pilihlah disiplin si kubereken, labo pirak,Pilihlah pemeteh, labo emas murni.+
11 Sebap ulin kap kepentaren asangken batu si merga,*Kerina si arapkenndu la terpeseri ras kepentaren.
12 Aku kap kepentaren, aku tading ras pengertin,Enggo kudat pemeteh ras kengasupen rukur.+
13 Mbiar man Jahwe ertina rate segat man kai si la mehuli.+
Segat ateku sipat si sombong ras sipat si tual,+ bage pe kejahaten ras bual.+
14 Lit bas aku kepentaren ras nasehat si mehuli,+Jangku kap pengertin+ ras kuasa.+
15 Raja-raja terus merentah perban aku,Janah itetapken pejabat tinggi keadilen.+
16 Peminpin-peminpin terus merentah perban aku,Janah bangsawan-bangsawan ngakimi alu adil.
17 Keleng ateku kalak si engkelengi aku,Janah kalak si ndarami aku pasti ndatken aku.+
18 Ras aku kap kebayaken ras kemulian,Kebenaren bage pe erta si tahan rasa lalap.
19 Si kubereken ulin asangken emas, ulin asangken emas murni,Janah si alokenndu arah aku nari, ulin asangken pirak si mejilena.+
20 Erdalan aku bas dalan kebenaren,I tengah-tengah dalan keadilen.
21 Kubereken warisen si merga man kalak si engkelengi aku,Janah dem kuban gudang kalak e.
22 Aku kap si tangtangna ciptaken Jahwe,+Aku kap hasil pendahinNa si pertama mulai mbarenda nari.+
23 Nai-nai nari aku enggo lit,+Mulai tangtangna nari, leben asangken doni.+
24 Aku ijadiken sanga laut si mbages lenga lit,+Sanga lenga lit mata lau si maler,
25 Sope gunung-gunung itamaken bas inganna,Sope lit bukit-bukit, aku enggo ijadiken.
26 Sanga lenga ibanNa doni bage pe taneh si rata,Bage pe abu taneh si pertama i doni.
27 Sanga sikapkenNa langit,+ aku enggo lit i je,Sanga banNa batas langit ras laut,+
28 Sanga banNa embun si lit i datas,Sanga banNa sumber lau bas ingan si mbages,
29 Sanga banNa peraturen man lautGelah launa la ngelewati batas si enggo tentukenNa,+Sanga tetapkenNa pondasi-pondasi doni,
30 Aku lit i sampingNa jadi sierdahinNa si ahli.+
Aku kap sumber keriahen ukurNa+ tiap wari,Lalap meriah ukurku i lebe-lebeNa.+
31 Meriah ukurku perban doni banci jadi ingan tading,Janah jadi kel ateku manusia.
32 Emaka gundari anak-anakku, begiken aku,Ermeriah ukur kap kalak si ngikutken dalan-dalanku.
33 Begikenlah ajarenku*+ janah pentarlah kam,Ula ndigan pe lupakenndu.
34 Ermeriah ukur kap kalak si megiken akuSi reh tiap wari sanga erpagi-pagi,Janah timaina bas deher gerbangku.
35 Sebap kalak si ndatken aku, ndatken kegeluhen pagi,+Janah ngena ate Jahwe ia.
36 Tapi kalak si la mperdiateken aku, cilakaina bana,Janah kalak si rate segat man bangku, ngena atena kematen.”+
