Kuan-kuanen 9:1-18
9 Bangun kepentaren situhu-tuhu rumahna,Pahatna* pitu tiangna.
2 Enggo sikapkenna daging,*Enggo campurna anggur,Meja pe enggo sikapkenna.
3 Utusna pelayan-pelayanna si diberuGuna erlebuh arah ingan-ingan si meganjang i kota,+ nina,
4 “Ise pe si la erpengalamen, rehlah ku jenda.”
Nina man kalak si la rukur,
5 “Mari, panlah rotiku,Inemlah anggur si enggo kucampur.
6 Ula kam lalap la erpengalamen gelah nggeluh kam,+Erdalanlah bas dalan kepentaren.”+
7 Kalak si mpersingeti kalak si nggit nokohi, ipermelaken pagi,+Janah kalak si mpersingeti kalak jahat, dat cilaka pagi.
8 Ula persingeti kalak si nggit nokohi, sebap segat pagi atena kam.+
Persingetilah kalak si pentar, janah keleng pagi atena kam.+
9 Ajarilah kalak si pentar gelah reh pentarna ia.+
Ajarilah kalak si benar gelah tambah pemetehna.
10 Mbiar man Jahwe eme bena-bena kepentaren,+Pemeteh kerna Dibata Si Badia+ eme pengertin.
11 Gedang pagi umurndu perban aku,+Janah itambahi pagi gedangna umurndu.
12 Adi pentar kam, kam nge si ndatken gunana,Adi nokoh kam, kam nge si ndatken akibatna.
13 Diberu si motu pet kel ngerana.+
Kurang pemetehna janah la tehna kai pe.
14 Kundul ia bas pintu rumahna,Bas ingan-ingan si meganjang i bas kota,+
15 Lebuhina kalak si lewat,Si erdalan bas dalan, nina,
16 “Ise pe si la erpengalamen, rehlah ku jenda.”
Nina man kalak si la rukur,+
17 “Lau si itangko e, ntebu nanamna,Pangan si ipan erbuni-buni, entabeh nanamna.”+
18 Tapi la iteh kalak e maka bas rumahna dem kalak si enggo mate,Janah tamu-tamuna lit bas Kuburen* si mbages.+