Lukas 3:1-38
3 Bas tahun pe-15-ken pemerentahen Kaisar Tiberius, sanga Pontius Pilatus jadi gubernur Judea, Herodes*+ jadi penguasa daerah Galilea, Pilipus abangna jadi penguasa daerah Iturea ras Trakhonitis bage pe Lisanius jadi penguasa daerah Abilene,
2 sanga Annas ras Kayapas jadi imam kepala,+ reh kata arah Dibata man Johanes+ anak Sakaria i taneh mesawang.*+
3 Emaka lawes ia ku kerina daerah i sekeliling Lau Jordan, beritakenna maka peridin kap tanda pertobaten gelah dosa-dosa iampuni,+
4 bagi si tertulis bas buku Nabi Jesaya, “Lit si erlebuh i taneh mesawang,* ‘Sikapkenlah dalan man Jahwe!* Pepinterlah dalan-dalanNa.+
5 Tiap lembah arus itutupi janah tiap gunung ras bukit arus irataken. Dalan si meluk-eluk arus ipepinter janah dalan si merutu arus irataken.
6 Kerina pagi manusia ngidah keselamaten arah Dibata nari.’”+
7 Emaka nina Johanes man jelma si enterem si reh guna iperidiken e, “O kena keturunen nipe si erbisa, ise si mpersingeti kena guna kiam arah rawa Dibata si nandangi reh?+
8 Emaka, hasilkenlah buah tanda pertobaten. Ula ning kena man diri kena, ‘Abraham kap Bapak kami.’ Kukataken man kena maka Dibata ngasup erban batu-batu enda jadi keturunen Abraham.
9 Payo, kapak enggo itama i teruh batang kayu. Tiap batang kayu si la mejile buahna, itabah pagi janah ibenterken ku api.”+
10 Jenari nungkun jelma si enterem e, “Adi bage, kai si arus lakoken kami?”
11 Ngaloi ia, “Ise si lit dua bajuna,* berekenlah sada man kalak si la erbaju, janah ise pe si lit panganna arus bagikenna.”+
12 Piga-piga pemungut pajak pe reh guna iperidiken,+ janah nina, “O Guru, kai si arus lakoken kami?”
13 Nina Johanes, “Ula pindo* buen asangken si enggo itentuken.”+
14 Nungkun ka piga-piga tentera man bana, “Kai si arus lakoken kami?” Nina, “Ula ganggu* ise pe, ula ban tuduhen palsu,+ tapi puaslah kena man upah kena.”
15 Perban enterem kalak sangana nimai Kristus, kerina kalak e tersungkun-sungkun bas pusuhna kerna Johanes, ‘Kristus nge ia?’+
16 Ngaloi Johanes janah nina man kerina kalak, “Aku, baginku, mperidiken kena alu lau, tapi reh pagi sekalak si belinen kuasana asangken aku, mbuka nali selopna pe aku la cocok.*+ Peridikenna pagi kena alu kesah si badia ras api.+
17 Alat miari lit bas tanna guna mbersihken ingan ngerik.* Pepulungna pagi gandum ku lumbungna, tapi tutungna segalna* alu api si la banci imateken.”
18 Bereken Johanes ka melala nasehat si deban janah lalap umumkenna berita si meriah man jelma si enterem.
19 Tapi persingetina Herodes, penguasa daerah e, kerna Herodias diberu seninana ras kerna kerina perbahanen si jahat si enggo lakokenna.
20 Emaka, ban Herodes ka kejahatenna si deban, tamakenna Johanes ku penjara.+
21 Sanga kerina kalak iperidiken, Jesus pe iperidiken ka.+ Sanga ia ertoto, terbuka langit,+
22 janah nusur ku datasna kesah si badia si bagi merpati jenari terbegi sora langit nari, “Kam me AnakKu si Kukelengi. Kam me si ngena ateKu.”+
23 Sanga mulai Jesus+ pendahinna, umurna kira-kira 30 tahun.+ Menurut pengakap kalak, ia eme,anak Jusup,+anak Eli,
24 anak Matat,anak Lewi,anak Melki,anak Jannai,anak Jusup,
25 anak Matatias,anak Amos,anak Nahum,anak Esli,anak Nagai,
26 anak Maat,anak Matatias,anak Simei,anak Josek,anak Joda,
27 anak Johanan,anak Resa,anak Serubabel,+anak Sealtiel,+anak Neri,
28 anak Melki,anak Addi,anak Kosam,anak Elmadam,anak Er,
29 anak Jesus,anak Elieser,anak Jorim,anak Matat,anak Lewi,
30 anak Simeon,anak Judas,anak Jusup,anak Jonam,anak Eliakim,
31 anak Malia,anak Menna,anak Matata,anak Natan,+anak Daud,+
32 anak Isai,+anak Obet,+anak Boas,+anak Salmon,+anak Nahesson,+
33 anak Aminadap,anak Arni,anak Hesron,anak Peres,+anak Juda,+
34 anak Jakup,+anak Isak,+anak Abraham,+anak Terah,+anak Nahur,+
35 anak Seruh,+anak Rehu,+anak Peleh,+anak Eber,+anak Selah,+
36 anak Kenan,anak Arpaksat,+anak Sem,+anak Nuah,+anak Lameh,+
37 anak Metusalah,+anak Enoh,anak Jaret,+anak Mahalalel,+anak Kenan,+
38 anak Enos,+anak Set,+anak Adam,+anak Dibata.
Cataten i teruh
^ Taneh si mbelang si jarang iingani.
^ Taneh si mbelang si jarang iingani.
^ Ntah “lit lebih bajuna.”
^ Ntah “pepulung.”
^ Ntah “peras.”
^ Ntah “metunggung.”
^ Ntah “kulit gandumna.”
