Maleaki 2:1-17
2 “O imam-imam, enda perentah man kena.+
2 Kusumpahi pagi kena adi la begiken kena, adi la tuhu-tuhu muliaken kena gelarKu. Kena sumpah pagi kena+ nggantiken pasu-pasu si aloken kena arah Aku nari.+ Enggo kena sumpah kena nggantiken tiap pasu-pasu e perban la kena ermediate,” nina Jahwe penguasa malekat.
3 “Perban kena, Kucedaken pagi benih si enggo suan kena.+ Kubenterken pagi kotoren ku ayo kena, eme kotoren binatang si ikorbanken bas perayan kena. Ibenterken pagi kena radu ras kotoren e.*
4 Kenca si e, teh kena pagi maka Aku kap si mereken perentah-perentah e man kena, gelah perjanjinKu ras kalak Lewi lalap ertahan,”+ nina Jahwe penguasa malekat.
5 “PerjanjinKu ras kalak e mereken kegeluhen ras kedamen, gelah hamati kalak e Aku. Mbarenda hamati kalak e Aku bage pe gelarKu.
6 Ajarken kalak e undang-undang* si benar,+ la pernah katakenna si la tuhu. Dame hubungen kalak e ras Aku, lakoken kalak e kai si benar i lebe-lebeKu.+ Sampati kalak e enterem kalak robah arah kesalahenna nari.
7 Sebap imam-imam si arusna ngajarken pemeteh, janah arah kalak e arusna ipelajari kalak undang-undang,*+ perban kalak e kap utusen Jahwe penguasa malekat.
8 “Tapi kena kap si enggo nilah arah undang-undang nari. Ban kena enterem kalak nilah arah undang-undang.*+ Enggo najis ban kena perjanjin Lewi,”+ nina Jahwe penguasa malekat.
9 “Emaka Kuban pagi gelah segat ate kalak man kena janah ciga atena. Sebap la ikutken kena dalan-dalanKu, berat sebelah kena ndalanken undang-undang.”+
10 “La kin sada nge Bapakta?+ La kin sada nge Dibata si nciptaken kita? Adi bage, engkai maka kita sitipu-tipun,+ si erban perjanjin nini bulangta jadi najis?
11 Kalak Juda enggo erhianat, kai si erban ciga ate enggo ilakoken bas Israel ras Jerusalem. Sebap enggo ihina Juda kap Jahwe si engkelengi kai si badia,*+ enggo erjabu ia ras anak diberu arah dibata si deban.+
12 Ise pe si bage perbahanenna, ikernepken Jahwe arah perkemahen Jakup, amin pe berekenna persembahen man Jahwe penguasa malekat.”+
13 “Lit denga si deban si enggo lakoken kena si erban ingan nutung* persembahen Jahwe dem alu iluh ras tangis janah terbegi sora mengeluh. Emaka lanai Ia nggit ngaloken persembahen kena, lanai ateNa jadi kai pe si bereken kena.+
14 Nungkun kena, ‘Engkai maka bage?’ Perban Jahwe kap si jadi saksi antara kena ras diberu si enggo empoi kena sanga kena nguda denga. Hianati kena diberu kena padahal ia kap teman geluh kena ras diberu kena si sah.+
15 Tapi lit piga-piga si la bage, sebap lit denga kesah si badia Dibata bas ia. Engkai? Perban merhat kalak e ndatken keturunen si tuhu-tuhu arah umat Dibata. Emaka jagalah pusuh kena, ula hianati kena diberu si empoi kena sanga kena nguda denga.
16 Merawa kel Aku man dilaki si ceraikenna diberuna,”+ nina Jahwe Dibata Israel, “bage pe si ngelakoken kekerasen,” nina Jahwe penguasa malekat. “Jagalah pusuh kena, ula erhianat.+
17 “Ban kena bosan Jahwe megi kata-kata kena,+ tapi ning kena, ‘Alu cara kai ban kami Ia bosan?’ Alu ngataken, ‘Kalak si erban jahat e mehuli akap Jahwe, meriah ukurNa ngidah kalak si bage,’+ ning kena ka, ‘I ja Dibata si adil e?’”
Cataten i teruh
^ Maksudna, ku ingan ngambekken kotoren binatang si ikorbanken.
^ Ntah “petunjuk.”
^ Ntah “petunjuk.”
^ Ntah banci saja “petunjuk kena.”
^ Ntah banci saja “ihina Juda kap ingan si badia Jahwe si ikelengiNa.”
