Maleaki 4:1-6
4 Bagenda nina Jahwe penguasa malekat, “Reh me wari e! Wari e bagi tungku si gurlah.+ Bagi nggala* pagi kerina kalak si melebesa ras si ngelakoken kejahaten. Keri pagi kalak e ban wari e. Lanai pagi lit si tading, la soal urat ntah pe dahan.
2 Tapi man si ngergai* gelarKu, ersinar pagi matawari si maba kebenaren, sinarna banci mpepalem. Bali pagi kena bagi anak lembu si mbur si sangana lompat-lompat.”
3 “Perjaki kena pagi kalak jahat. Sebap bas wari Aku ertindak, bali pagi kalak e bagi abu bas nahe kena,” nina Jahwe penguasa malekat.
4 “Ingetlah Undang-Undang Musa pelayanKu, eme peraturen ras perentah si Kubereken i Gunung Horep* gelah idalanken kerina kalak Israel.+
5 “Sope reh wari Jahwe si hebat ras si mbelin e,+ Kuutus pagi Nabi Elia+ man kena.
6 BanNa pagi pusuh perbapan mulihi jadi pusuh anak-anak,+ pusuh anak-anak bagi pusuh perbapan. Alu bage, la pagi Aku reh nyerang doni ras engkernepkenca.”
