Markus 16:1-8
-
Jesus ipekeke (1-8)
16 Kenca dung wari Sabat,+ Maria Magdalena, Maria+ mamak Jakup, ras Salome nukur rempah-rempah gelah banci tamaken kalak e ku mayat Jesus+ sanga lawes kalak e ku kuburen.
2 Pagi-pagi si lampas bas wari pertama minggu e sanga enggo terbit matawari, lawes kalak e ku kuburen.+
3 Ngerana kalak e sada ras si debanna, “Ise kari nampati kita nggulingken batu si nutupi kuburen e?”
4 Tapi sanga nen kalak e, idahna batu e enggo igulingken, amin pe seh kel galangna.+
5 Sanga masuk kalak e ku bas kuburen, sengget kel ia perban idahna sekalak anak perana erjubah mbentar kundul arah kanan.
6 Nina man kalak e, “Ula sengget.+ Kuteh nge kena ndarami Jesus kalak Nasaret si enggo ibunuh bas tiang.* Enggo ipekeke ia.+ La ia i jenda. Nenlah, i jenda me inganna iamparken.+
7 Tapi laweslah, kataken man murid-muridna ras man Petrus, ‘Gundari sangana ia bas perdalanen ku Galilea ngelebei kena.+ Jumpa jah kari kena, bagi si enggo katakenna man kena.’”+
8 Emaka kenca ndarat kalak e, kiam kalak e arah kuburen e nari, nggirgir kel kalak e janah mamang kel atena. La lit kai pe katakenna man ise pe sebap mbiar kel kalak e.*+
Cataten i teruh
^ Ntah “kayu.”
