Masmur 10:1-18
ל [Lamed]
10 O Jahwe, engkai maka Kam ndauh arah kami?
Engkai maka Kam cebuni sanga kami susah?+
2 Sombong kel kalak jahat, ayak-ayakna kalak mesera,+Tapi terjebak pagi ia bas rencana si ibanna.+
3 Bangga kalak jahat man sura-surana si salah,+Pasu-pasuna kalak si merangap,*נ [Nun]La hamatina Jahwe.
4 Perban sombong, kalak jahat la merhat nandai Dibata,Lalap katakenna bas pusuhna, “Labo lit Dibata.”+
5 Kai si lakokenna lalap berhasil,+Tapi la angkana undang-undangNdu,+Sepele ia man musuh-musuhna.
6 Nina bas pusuhna, “Ndigan pe labo banci aku ndabuh,Arah jaman ku jaman,Ndigan pe labo aku kena masalah.”+
פ [Pe]
7 Rananna dem alu sumpah, bual, ras ancamen,+Cakapkenna ranan si erban masalah janah nakiti.+
8 Cebuni ia i deher kuta-kuta,Arah inganna cebuni ndarat ia munuh kalak si la ersalah,+
ע [Ayin]
Intipna kalak si jadi mangsana.+
9 Nimai ia bas inganna cebuni bagi singa bas asarna.*+
Nimai ia guna nerkam kalak si lemah.
Tangkapna kalak si lemah alu jaringna.+
10 Serangna mangsana jenari ndabuh ku taneh,Jerngemna* kalak si la lit gegehna.
11 Nina bas pusuhna, “Enggo lupa Dibata.+
Enggo Ia buang muka.
Labo pernah perdiatekenNa.”+
ק [Qop]
12 O Jahwe, tediskenlah.+ O Dibata, cidahkenlah kuasaNdu.+
Ula lupaken kalak si lemah.+
13 Engkai maka la hamati kalak jahat Dibata?
Nina bas ukurna, “Labo pagi hakimi Dibata aku.”
ר [Res]
14 Situhuna idahNdu ise pe si erban masalah ras kesusahen.
PerdiatekenNdu janah cidahkenNdu kuasaNdu.+
Kalak si lemah reh ndahi Kam,+Kam kap si nampati anak si la erbapa.*+
ש [Syin]
15 Penggelken min tan kalak jahat ras kalak si kejam,+Gelah sanga daramiNdu kejahatenna,Lanai lit datNdu.
16 Jahwe kap Raja seh rasa lalap.+
Bangsa-bangsa enggo kernep arah doni nari.+
ת [Taw]
17 Tapi o Jahwe, begikenNdu kap pemindon kalak si meteruk ukur.+
PetetapNdu pusuh kalak e+ janah perdiatekenNdu kalak e.+
18 TegakkenNdu keadilen man anak si la erbapa ras man kalak si itindas,+Gelah lanai kalak e mbiar man manusia si iban arah abu nari.+
Cataten i teruh
^ Ntah banci saja “Kalak si merangap mujiken bana.”
^ Ntah “bas peren.”
^ Ntah “Icakarna.”
^ Ntah “anak melumang.”
