Masmur 101:1-8
Lagu si iban Daud.
101 O Jahwe, kuendeken pagi lagu puji-pujin* man baNdu,Rende pagi aku man baNdu kerna kekelengen si setia ras keadilen.
2 Pentar pagi perbahanenku janah setia.
Ndigan Kam reh ndahi aku?
Erdalan pagi aku alu benar+ bas rumahku.
3 La pagi kunen kai si la mehuli.*
Segat ateku perbahanen kalak si nilah arah kai si benar,+La aku nggit erurusen ras kalak e.
4 La aku nggit ndeher ras kalak si jahat perukurenna,La kuikutken kai si jahat.
5 Sinik* pagi kubanKalak si pitnahna temanna alu erbuni-buni,+Kalak si sombong ras meganjang rukur,Labo pagi kupediat lalap lakoken kalak e bage.
6 Kuperdiateken pagi kalak si setia bas doni,Gelah banci kalak e tading ras aku.
Kalak si setia si ngelayani aku pagi.
7 Penipu la banci tading bas rumahku,Kalak perbual la banci tedis i lebe-lebeku.
8 Tiap erpagi-pagi, kuban pagi sinik* kerina kalak jahat i doni,Guna engkernepken kerina kalak jahat arah kota Jahwe.+
Cataten i teruh
^ Ntah “kumainken pagi musik.”
^ Ntah “kai si la erguna.”
^ Ntah “Masap.”
^ Ntah “kumasapken pagi.”