Masmur 102:1-28
Toto kalak si itindas sanga ia putus asa* janah kerina si erban ia kuatir katakenna man Jahwe.+
102 O Jahwe, begikenlah totoku.+
Mbera-mbera soraku serko mindo penampat seh man baNdu.+
2 Ula Kam buang muka sanga aku susah.+
Mungkuk min Kam, begiken min aku.
Meter min aloiNdu aku sanga aku erlebuh.+
3 Sebap geluhku bene bagi asap,Tulan-tulanku meseng bagi ingan pegara api.+
4 Pusuhku bagi dukut si melus janah kerah,+Sebap lanai kuinget man.
5 Perban megang soraku ndehereng,+Dagingku kertang tading tulan.+
6 Aku bagi burung pelikan i taneh mesawang.*
Aku bagi burung hantu si kitik i antara bangunen si runtuh.
7 La aku banci medem.*
Aku bagi perik si kelungunen i datas atap.+
8 Gedang-gedang wari, hina musuh-musuhku aku.+
Kalak si nokohi aku make gelarku guna numpahi.
9 Abu si jadi nakanku,+Inemenku enggo campur ras iluh,+
10 Perban merawa Kam janah ngilas ateNdu,AngkatNdu aku gelah ngambekken aku saja.
11 Geluhku bagi bayangen si nandangi bene,+Janah aku kerah bagi dukut.+
12 Tapi Kam o Jahwe, tetap lit rasa lalap,+GelarNdu tetap lit arah jaman ku jaman.+
13 Pasti Kam ertindak janah mekuah ateNdu man Sion,+Gundari kap waktuna mehuli Kam man bana.+
Sebap waktu si itetapken enggo seh.+
14 Sebap ergai pelayan-pelayanNdu reruntuhenna,+Abuna pe mekuah atena.+
15 Mbiar pagi bangsa-bangsa man gelar Jahwe,Janah kerina raja i doni mbiar man kemulianNdu.+
16 Sebap mulihi pagi bangun Jahwe Sion.+
Teridah pagi Ia bas kemulianNa.+
17 BegikenNa pagi toto kalak si mesera kel pergeluhna.+
Labo pagi akapNa hina toto kalak e.+
18 Kerina e itulis guna keturunen si nandangi reh,+Gelah ipuji bangsa si nandangi reh* pagi Jahwe.*
19 Sebap tatapNa ku teruh arah inganNa si badia si meganjang,+Tatap Jahwe doni arah surga nari,
20 Guna megiken tahanen si mengeluh,+Guna mbebasken kalak si ihukum mate,+
21 Gelah gelar Jahwe iberitaken i Sion+Janah ipuji i Jerusalem,
22 Sanga bangsa-bangsa ras kerajan-kerajanPulung guna ngelayani Jahwe.+
23 BuatNa gegehku ope lenga waktuna,PegendekNa geluhku.
24 Ningku, “O Dibataku,Si nggeluh rasa lalap,Ula masapkenNdu aku adi lenga aku metua.+
25 Mbarenda banNdu pondasi doni,Janah alu tanNdu banNdu langit.+
26 Kernep nge pagi kerina e, tapi Kam tetap nge lit,Janah bali bagi uis, kerina e jadi male.
Bali bagi paken, pasti pagi gantiNdu e janah lanai pagi lit.
27 Tapi Kam tetap seri, janah Kam nggeluh rasa lalap.+
28 Aman pagi pergeluh anak pelayan-pelayanNdu,Janah aman pagi keturunen kalak e tading i lebe-lebeNdu.”+
Cataten i teruh
^ Ntah “ia reh lemahna.”
^ Taneh si mbelang si jarang iingani.
^ Ntah banci saja “Aku kertang tading tulan.”
^ As. “Jah.” Jah eme singkaten gelar Jahwe.
^ As. “lahir.”