Masmur 103:1-22
Masmur si iban Daud.
103 Mbera-mbera kupuji Jahwe,Mbera-mbera kupuji gelarNa si badia alu bulat ukur.
2 Kupujilah Jahwe,Mbera-mbera la pernah kulupaken kerina si enggo lakokenNa.+
3 AmpuniNa kerina kesalahenku,+PepalemNa kerina penakitku.+
4 SelamatkenNa geluhku arah lubang kuburen,+CidahkenNa kekelengenNa si setia ras perkuah ateNa man bangku.+
5 Puas aku banNa alu kai si mehuli+ segedang geluhku,Gelah tetap aku nguda janah semangat bagi kuliki.+
6 Benar kap perbahanen Jahwe+ janah adilMan kerina kalak si tertindas.+
7 CeritakenNa dalan-dalanNa man Musa,+Ras perbahanenNa man keturunen Israel.+
8 Jahwe perkuah janah mehuli,+La nukah merawa janah dem alu kekelengen si setia.+
9 La lalap daramiNa kesalahen,+Janah labo lalap segat ateNa.+
10 La hukumNa kita menurut dosa-dosata,+La balasNa kita menurut kesalahenta.+
11 Bagi langit ganjangen asangken doni,Bage me belinna kekelengenNa si setia man kalak si mbiar man baNa.+
12 Bagi dauhna matawari terbit ku matawari terbenam,*Bage me dauhna pelanggarenta ipedauhNa arah kita nari.+
13 Bagi sekalak bapak si rate mekuah man anakna,Bage me Jahwe rate mekuah man kalak si mbiar man baNa.+
14 Sebap tehNa uga kita iciptaken,+IngetNa maka abu kap kita.+
15 Geluh manusia bali bagi dukut,+Mekar ia bali bagi bunga i juma.+
16 Tapi sanga rembus angin, lanai ia lit,Tempa-tempa la pernah ia lit i je.
17 Tapi kekelengen Jahwe si setia lit rasa lalapMan kalak si mbiar man baNa,+Bage pe kiniulinNa man keturunen kalak e,+
18 Man kalak si patuh man perjanjinNa,+Bage pe man kalak si tutus ngelakoken perentah-perentahNa.
19 Enggo ban Jahwe paguh tahtaNa i surga,+Janah kerajanNa erkuasa nandangi kerinana.+
20 Pujilah Jahwe, o malekat-malekatNa+ si megegeh,Si ndalanken kataNa+ janah patuh man kata-kataNa.
21 Pujilah Jahwe, o kerina pasukenNa,+PelayanNa si ngelakoken peratenNa.+
22 Pujilah Jahwe, o kerina ciptanNa,Si lit i belang-belang pemerentahenNa.
Pediatlah kupuji Jahwe.
Cataten i teruh
^ Ntah “dauhna timur ku barat.”
