Masmur 104:1-35
104 Mbera-mbera kupuji Jahwe,+O Jahwe Dibataku, Kam seh kel muliana.+
Kam ruisken kehamaten ras kemulian.+
2 Baluti cahaya Kam+ bali bagi jubah.
KimbangkenNdu langit bagi kain kemah.+
3 BanNa tiang-tiang ruangenNa i datas lau si lit i langit.+
BanNa embun jadi geretaNa,+Janah erdalan Ia i datas angin.+
4 BanNa malekat-malekatNa jadi mahluk roh si megegeh,BanNa pelayan-pelayanNa bagi api si engkernepken.+
5 PajekkenNa doni i datas pondasina,+Labo pagi pernah doni pindah arah inganna nari* seh rasa lalap.+
6 TutupiNdu doni alu lau si mbages bagi jubah.+
Lau nutupi gunung-gunung.
7 Kiam kerina lau e sanga sergangNdu,+Mbiar ia janah kiam perban sora lenggurNdu.
8 Nangkih me gunung-gunung+ janah nusur lembah-lembahKu ingan si tentukenNdu.
9 BanNdu batas si la banci lewatina,+Gelah lanai pernah tutupina doni.
10 KirimNa lau ku lembah-lembah,*Maler ia i antara gunung-gunung.
11 Sikapkenna inemen man binatang liar i kerangen,Kelede-kelede liar lanai muas.
12 I deher lau e cinep perik-perik,Rende ia i dahan-dahan batang kayu si melala bulungna.
13 SiramiNa gunung-gunung arah datas nari, eme arah ruangen-ruangenNa si arah datas.+
Doni dem alu hasil pendahinNdu.+
14 PeturahNa dukut man asuh-asuhen,Bage pe sinuan-sinuan man manusia,+Gelah ihasilken taneh pangan,
15 Bage pe anggur si erban manusia ermeriah ukur,+Minak si erban ayo cerah,Ras roti si erban manusia megegeh.+
16 Puas akap batang-batang kayu Jahwe,Batang-batang kayu aras i Libanon si isuanNa,
17 I je rasar perik-perik,I datas batang-batang kayu juniper rasar burung bangau.+
18 Gunung-gunung si meganjang jadi ingan kambing gunung,+Tebing-tebing jadi ingan cebuni menci gunung.*+
19 BanNa bulan guna jadi tanda musim-musim,Matawari pe tehna kel ndigan waktuna terbenam.+
20 BanNdu reh kegelapen, jenari berngi me wari,+Sanga kerina binatang liar gawah-gawah i kerangen.
21 Singa-singa si nguda erngaum ndarami mangsa,+Janah ndarami pangan arah Dibata.+
22 Sanga terbit matawari,Mulih singa-singa e janah gempang bas inganna.
23 Manusia lawes erdahin,Kerja keras ia seh ngasa berngi.
24 Seh kel buena pendahinNdu, o Jahwe!+
Kerina ibanNdu alu kepentaren.+
Doni dem alu kai si ibanNdu.
25 Janah laut seh kel bagesna ras mbelang,Melala kel mahluk si kitik ras si galang bas laut e.+
26 I je me kapal-kapal erlayar,Janah Lewiatan*+ si ibanNdu pe main-main i je.
27 Kerina e nimai Kam,Guna mereken pangan bas waktuna.+
28 Pepulung kalak e kai si berekenNdu man kalak e.+
Sanga bukaNdu tanNdu, puas kalak e alu kai si mehuli.+
29 Adi buang muka Kam, kuatir kalak e.
Adi buatNdu kesah kalak e, mate kalak e janah mulihi jadi abu.+
30 Adi ikirimNdu kesah si badiaNdu, jadi me kalak e,+Janah berekenNdu geluh si mbaru man doni enda.
31 Kemulian Jahwe tetap lit rasa lalap.
Meriah pagi ukur Jahwe perban pendahinNa.+
32 NenNa doni janah doni pe mugur-ugur,KuitNa gunung-gunung janah gunung-gunung e pe rasap.+
33 Rende pagi aku man Jahwe+ gedang-gedang geluhku,Kuendeken pagi pujin* man Dibataku segedang geluhku.+
34 Mbera-mbera perukurenku erban meriah ukurNa.*
Meriah pagi ukurku perban Jahwe.
35 Kernep pagi kalak si erdosa arah doni,Janah kalak jahat lanai pagi lit.+
Pediatlah kupuji Jahwe. Pujilah Jahwe!*
Cataten i teruh
^ Ntah “doni mugur-ugur.”
^ Binatang si mirip bagi marmut si galang, la lit ikurna, janah tading i daerah si erbatu-batu.
^ Ntah “Kumainken pagi musik.”
^ Ntah banci saja “Mbera-mbera si kuukuri kerna Ia erban meriah ukurNa.”
^ Ntah “Haleluya.” As. “Jah.” Jah eme singkaten gelar Jahwe.