Masmur 105:1-45
105 Katakenlah bujur man Jahwe,+ janah lebuhlah gelarNa,Ceritakenlah perbahanenNa man kerina kalak!+
2 Rendelah man Dibata, endekenlah puji-pujin* man baNa,Ukurilah alu mbages* kerina perbahanenNa si luar biasa.+
3 Seh kel megahna mberitaken gelarNa si badia,+Ermeriah ukurlah kalak si ndarami Jahwe.+
4 Daramilah Jahwe+ ras pindolah penampatNa,Teruslah darami ateNa ngena.
5 Ingetlah kerina perbahanenNa si luar biasa si enggo ilakokenNa,Mukjizat-mukjizatNa bage pe penghakimen si enggo ibanNa.+
6 O kena keturunen Abraham pelayanNa,+Anak-anak Jakup si enggo pilihNa.+
7 Ia kap Jahwe Dibatata,+Ia kap si ngakimi belang-belang doni.+
8 IngetNa perjanjinNa seh rasa lalap,+Janji si enggo banNa* seh asa seribu keturunen.+
9 Perjanjin si enggo banNa ras Abraham,+Sumpah si enggo belaskenNa man Isak,+
10 Sumpah e banNa jadi sada jaminen man JakupRas sada perjanjin si tahan rasa lalap ras Israel,
11 Nina, “Kubereken pagi negri Kanaan+ man kena,Taneh e jadi warisen man kena.”+
12 Kerna si e enggo katakenNa sanga sitik denga jumlah kalak e,+Payo, sitik denga kel kalak e, janah kalak e jadi penduduk asing i taneh e.+
13 Pindah-pindah kalak e arah sada bangsa ku bangsa si deban,Arah sada kerajan ku kerajan si deban.+
14 La pediatNa ise pe kejam man kalak e,+Tapi guna kepentingen kalak e persingetiNa raja-raja,+
15 Nina, “Ula kuit kalak si Kupilih,Janah ula lakoken si jahat man nabi-nabiKu.”+
16 BanNa terjadi kelihen ku negri e,+Lanai bereNa pangan man kalak e.*
17 UtusNa sekalak dilaki ngelebei kalak e,Eme Jusup si idayaken jadi budak.+
18 Gari kalak e nahena,+Iket kalak e kerahungna alu rante besi.
19 Seh ngasa kata-kataNa terbukti benar.+
Kai si kataken Jahwe pe erban ia murni.
20 Suruh raja gelah ia ibebasken,+Penguasa bangsa-bangsa mbebasken ia.
21 Ban raja ia jadi tuan man istanana,Ngurus kerina ertana,+
22 Erkuasa ia nandangi pejabat-pejabat raja,Janah ajarkenna kepentaren man peminpin-peminpinna.+
23 Kenca si e Israel lawes ku Mesir,+Janah Jakup tading jadi penduduk asing i taneh Ham.
24 Ban Dibata umatNa seh kel teremna,+BanNa kalak e gegehen asangken musuh kalak e.+
25 PediatNa musuh-musuh rate segat man umatNa,Gelah iban kalak e rencana jahat man pelayan-pelayanNa.+
26 UtusNa pelayanNa Musa+Ras Harun+ eme kalak si ipilihNa.
27 Duana kalak e ncidahken tanda-tanda si luar biasa i lebe-lebe kalak e,*Bage pe mukjizat-mukjizatNa i taneh Ham.+
28 KirimNa kegelapen janah gelap me negri e,+La banci kalak e mberontak man kata-kataNa.
29 UbahNa lau jadi darehJanah ikan-ikan pe maten.+
30 Katak-katak nyerbu negri kalak e,+Seh ku kamar-kamar istana.
31 SuruhNa laneng* ras rengitNyerang kerina daerah kalak e.+
32 BanNa udan jadi udan es,Janah kirimNa kilap ku negri kalak e.+
33 CedaiNa batang anggur ras batang ara kalak e,Janah hancurkenNa batang-batang kayu si lit i daerah kalak e.
34 SuruhNa labang nyerang kalak e,Labang si nguda denga si la terkira buena.+
35 Panganina kerina sinuan-sinuan bas negri e,Janah panganina hasil taneh e.
36 Jenari bunuhNa kerina anak sintua si lit bas negri e,+Eme anak si pertama lahir.
37 BabaNa umatNa ndarat jenari ibaba umatNa pirak ras emas,+Janah la lit sada pe si lemah arah kalak e.
38 Meriah ukur kalak Mesir sanga lawes kalak Israel,Perban mbiar kalak e man kalak Israel.+
39 KimbangkenNa embun guna nutupi kalak Israel,+Janah api guna nerangi kalak e sanga berngi.+
40 Sanga pindo kalak e pangan, berekenNa perik leto,+BanNa kalak e besur alu roti arah surga nari.+
41 BelahNa gunung batu janah ndarat me lau,+Ndarat me lau bali bagi lau si maler ku gurun pasir.+
42 Sebap ingetNa janji si badia si enggo banNa man Abraham pelayanNa.+
43 BabaNa umatNa ndarat alu dem keriahen ukur,+BabaNa kalak si ipilihNa alu surak ermeriah ukur.
44 BerekenNa man kalak e negri bangsa-bangsa,+Dat kalak e hasil kerja keras kalak si deban.+
45 Gelah dalanken kalak e peraturen-peraturenNa,+Janah patuhi kalak e undang-undangNa.
Pujilah Jahwe!*
Cataten i teruh
^ Ntah “mainkenlah musik.”
^ Ntah banci saja “Katakenlah.”
^ As. “Kata-kata si enggo belaskenNa.”
^ As. “PenggelkenNa tongkat roti.” Mungkin maksudna tongkat ingan nggantung roti.
^ Maksudna, kalak Mesir.
^ Laneng enda banci ngkarat.
^ Ntah “Haleluya.” As. “Jah.” Jah eme singkaten gelar Jahwe.